Այսօր: Կիրակի, 3 Մարտի 2024թ.
Ջերմուկի համայնքապետարանի պաշտոնական կայք
Հյուրերի քանակը՝ 80
ՋԵՐՄՈՒԿԻ ՀԱՄԱՅՆՔԱՊԵՏԱՐԱՆ
Հարթակը նախատեսված է քաղաքացիների հետ Ջերմուկի համայնքապետարանի արդյունավետ փոխգործակցությամբ նոր նախագծերի և գաղափարների հայտմաբերման, առաջարկների ներկայացման և քննարկման համար:
 
Հարթակը ստեղվել է քաղաքացիների հետ առավել արդյունավետ և սերտ կապն ապահովելու և մասնակցային կառավարում իրականացնելու նպատակով:
 
Շնորհիվ այս հարթակի՝ Ջերմում համայնքի բնակիչները հնարավորություն ունեն համայնքապետարանի հետ համատեղ բարելավելու իրենց բնակավայրերը:
 
Միևնույն ժամանակ, Ջերմուկի համայնքապետարանի համար առաջարկների այս հարթակը բնակիչներին հուզող խնդիրները հավաքելու համակարգ է և լուծումների միասնական որոնման միջոց:
 
Հարթակը միջավայր է, որը, համայնքի բարելավմամբ հետաքրքրված մարդկանց հավաքելու է մեկ վայրում՝ ստեղծելով ակտիվ բնակիչների համայնք: Այս էլեկտրոնային գործիքը ավելի շոշափելի կդարձնի «մասնակցային կառավարում» հասկացությունը: 

Կանոններ

Հարգելի՛ Օգտատեր, խնդրում ենք ուշադիր ծանոթանալ հարթակի կանոններին և հետևել դրանց:
 
Հարթակում գրանցման կանոններ
 
Հարթակում կարող են գրանցվել Ջերմում համայնքի բնակիչները:
 
Առաջարկների ընդունման և հրապարակման կանոններ
 
Հարթակում առաջարկները կարող են ներկայացնել միայն Կայքում գրանցված Օգտատերերը: Ուղարկված առաջարկները դիտարկվում են, որպես քաղաքացիների ընդհանուր սեփականություն, իսկ սկզբնական գաղափարը կարող է որոշ չափով ձևափոխվել քննարկումների, ուսումնասիրությունների և խորհրդատվական գործընթացի ընթացքում: Համայնքապետարանն իրավունք է վերապահում օգտագործել սույն հարթակում ներկայացված գաղափարները: Հարթակին ուղարկվող առաջարկները, հրապարակվելու և իրականացման հավակնորդ դառնալու համար պետք է. լինեն հանրօգուտ գաղափարներ և չհետապնդեն անձնական կամ խմբային շահ, լինեն ամբողջական և չպահանջեն շարունակական ծախսեր, բացի պահպանման ծախսերից, ներկայացվեն կիրթ և գրագետ (մեսրոպատառ) հայերենով, չոտնահարեն այլ անձանց իրավունքները, լինեն իրականանալի և իրագործելի, լինեն հայերենով և մեսրոպատառ, համապատասխանեն ՀՀ օրենսդրությանը, համայնքի ավագանու որոշումներին, համայնքի ղեկավարի որոշումներին կամ այլ օրենսդրական և/կամ ենթաօրենսդրական ակտերին և դրույթներին: Հարթակում չեն հրապարակվում առաջարկներ, որոնք պարունակում են. անհարգալից բառապաշար, ինչպես նաև վիրավորական արտահայություններ` այդ թվում, ռասսայական, կրոնական կամ այլ ուղղվածության, բռնությանն կամ ապօրինի գործողությունների կոչեր, սեռական ծառայություններ և ապրանքատեսակներ, մարմնավաճառություն, պոռնոգրաֆիա, այդ թվում՝ պոռնոգրաֆիկ բովանդակությամբ լուսանկարներ, նյութական օգնության խնդրանք և առաջարկ, խաբեություն, շորթում, նյութական օգնության խնդրանք և առաջարկ, ազգային, ռասայական, կրոնական, սեռական խտրականություն, դեղորայքի, թմրանյութերի և մարդկային օրգանների առք ու վաճառքի մասին առաջարկներ, աշխատանքի առաջարկ, ինչպես նաև ինտերնետում գումարի վաստակման առաջարկ, առաջարկներ օկուլտային թեմայով` բախտագուշակություն, սատանիզմ, մոգություն, էքստրասենսոր ծառայություններ և այն, կասկածելի ֆինանսական ծառայությունների առաջարկներ, գովազդային առաջարկներ և ծառայությունների նկարագրեր, գյուտարարության և գիտական աշխատանքների, ինչպես նաև կոմերցիոն նախագծերի իրականացման համար ֆինանսական աջակցություն, ՀՀ օրենսդրությամբ արգելվող ցանկացած այլ գործողություն: Առաջարկների հրապարակման կանոններին չհամապատասխանող գաղափարները չեն տեղադրվի հարթակում: Շահերի բախումից հնարավորինս զերծ մնալու նպատակով հարթակի պատասխանատուների և ադմինիստրացիայի կողմից առաջարկներ չեն ընդունվում: Ձեր առաջարկը չի հրապարակվի հարթակում նաև այն դեպքում, եթե նման ծրագիր արդեն իսկ իրականացվում է համայնքապետարանի կողմից։ Համայնքի զարգացման ծրագրին կարող եք ծանոթանալ այս հղումով: Հարթակի կանոններին համապատասխանող առաջարկների հրապարակումը իրականացվում է հնարավորինս սեղմ և պատշաճ ժամկետներում, ինչն անհրաժեշտ է առաջարկների ուսումնասիրության համար, սակայն ոչ ուշ, քան քվեարկության մեկնարկը: Կայքի ադմինիստրացիան իրավունք ունի խմբագրելու առաջարկի բովանդակությունը՝ անարգող արտահայտությունները հեռացնելու, ուղղագրական սխալներն ուղղելու և այլ շտկումներ կատարելու նպատակներով: Ստացված առաջարկների հետ կապված հարցերի դեպքում Հարթակի ադմինիստրացիան իրավունք ունի կապ հաստատել առաջարկն ուղարկող Օգտատիրոջ հետ ճշտումներ իրականացնելու նպատակով: Առաջարկի հրապարակման կամ մերժման մասին Օգտատերը ստանում է համապատասխան ծանուցում իր էլեկրոնային հասցեին:
 
Քվեարկության կանոններ
 
Հարթակի քվեարկություններին Քվեարկելու իրավունք ունեն «Տեղական ինքնակառավարման մասին» օրենքի 11-րդ հոդվածի 2-րդ մասով սահմանված չափանիշին համապատասխանող` Ջերմուկ համայնքի բնակիչները: Քվեարկել հնարավոր է մինչև երեք առաջարկներ օգտին: Կատարված քվեարկությունը հնարավոր չէ ձևափոխել կամ չեղարկել: Առաջարկների իրականացման կանոնները Իրականացման հավակնում են այն առաջարկները, որոնք քվեարկության արդյուքում կհավաքեն ամենաշատ ձայներ և որոնց իրականացման բյուջեն ըստ հիմնական նախագծի նախահաշվարկային առաջադրանքի չի գերազանցի ավագանու որոշմամբ սահմանված գումարի չափը: Քվեարկության արդյունքում նվազման կարգով՝ ըստ առավելագույն ձայների բաշխվածության հաջորդականության, իրականացմանը կհավակնի Հարթակի կանոններին և առաջարկի բյուջեի սահմանաչափին համապատասխանող հաջորդ առաջարկը: Առաջարկի իրականացման համար կազմվում է նախագծանախահաշվարկային առաջադրանք և հայտարարվում է բաց մրցույթ: Ստացված առաջարկներն ու դրանց իրականացումը որոշ չափով կարող են տարբերվել:
 
Հանրային քննարկումների (մեկնաբանությունների) կանոններ
 
Հարթակում առաջարկները կարող են քննարկվել (մեկնաբանվել) ինչպես Կայքում գրանցված, այնպես էլ "անանուն" Օգտատերերը: Մեկնաբանությունները չպետք է պարունակեն անպարկեշտ, վիրավորական, այլ անձանց իրավունքները ոտնահարող արտահայտություններ, ինչպես նաև գովազդի տարրեր և ծառայությունների նկարագրեր: Հարթակի ադմինիստրացիան իրավունք ունի իր հայեցողությամբ հեռացնելու մեկնաբանությունները:
 
! Հարթակի կանոնները միտումնավոր խախտող օգտատերերի մուտքը կարող է արգելափակվել Կայքի ադմինիստրացիայի կողմից:
ՄԵՐ ԿՈՆՏԱԿՏՆԵՐԸ
ՄԻԱՑԵՔ ՄԵԶ
ՀՂՈՒՄՆԵՐ
ք.Ջերմուկ, Մյասնիկյան 8
(0287) 2-12-17, 060-74-70-77
jermuk.vayotsdzor@mta.gov.am
Պաշտոնական էլ. փոստ` 53070621@e-citizen.am
(միայն www.e-citizen.am համակարգով ծանուցումների համար)



© 2008 - 2024 Հեղինակային իրավունքները պաշտպանված են
ՋԵՐՄՈՒԿԻ ՀԱՄԱՅՆՔԱՊԵՏԱՐԱՆ
Մշակող   ՏՀԶՎԿ ՀԿ
Համայնքային կառավարման տեղեկատվական համակարգ 2081
ԲԿԳ Մրցանակ 2015 - OGP Award 2015
2015 Regional Winner