Ղեկավարվելով «Տեղական ինքնակառավարման մասին» օրենքի 18-րդ հոդվածի 1-ին մասի 42-րդ կետի և 36-րդ հոդվածի 1-ին մասի 3-րդ կետի դրույթներով, «Հավաքների ազատության մասին» օրենքի 15-րդ հոդվածի և «Նորմատիվ իրավական ակտերի մասին» օրենքի 37-րդ հոդվածի պահանջներով, հիմք ընդունելով լիազոր մարմնի կողմից հաստատված, ՀՀ արդարադատության, Ներքին գործերի, Կրթության, գիտության, մշակույթի և սպորտի նախարարությունների հետ համաձայնեցված «Համայնքում հանրային հավաքների մասին իրազեկումների գրանցամատյանի վարման կարգը և ձևը հաստատելու մասին» մեթոդական ուղեցույցը՝

1․ Հաստատել՝         

1) Ջերմուկ համայնքում հանրային հավաքների մասին իրազեկումների գրանցամատյանի վարման կարգը՝ համաձայն N 1 հավելվածի։

2) Ջերմուկ համայնքում հանրային հավաքների մասին իրազեկումների գրանցամատյանի և հավաքների մասին իրազեկման թերթիկի ձևը՝ համաձայն N 2 հավելվածի։

2. Ուժը կորցրած ճանաչել Ջերմուկ համայնքի ավագանու 2020 թվականի սեպտեմբերի 15-ի «Ջերմուկ համայնքում հանրային հավաքներ անցկացնելու մասին իրազեկումների գրանցամատյանի ձևը և վարման կարգը հաստատելու մասին» N 57-Ա որոշումը։

3․ Սույն որոշումն ուժի մեջ է մտնում հրապարակման հաջորդ օրվանից: