Ջերմուկ համայնքի հարգելի բնակիչներ,
Տեղեկացնում ենք, որ Գերմանիայի միջազգային համագործակցության ընկերության կողմից իրականացվող «Լավ կառավարում հանուն տեղական զարգացման հարավային կովկասում» ծրագրի շրջանակներում գործադրվող՝ ՀՀ համայնքների սոցիալ-տնտեսական զարգացման դրամաշնորհային հիմնադրամի միջոցով հայտարարվել է դրամաշնորհային մրցույթ, որն ուղղված է համայնքներում ՄԱԿ-ի կայուն զարգացման 2030 օրակարգի և կայուն զարգացման նպատակների տեղայնացմանը։
Դրամաշնորհի չափը կարող է լինել 4-ից 16 միլիոն ՀՀ դրամ, իսկ միջհամայնքային ծրագրերի դեպքում՝ հասնել մինչև 24 միլիոն ՀՀ դրամի։ Համայնքապետարանի կամ այլ դերակատարների (մասնավոր հատված, այլ դոնոր, քաղաքացիական հասարակության կազմակերպություն) համաֆինանսավորումը պետք է կազմի ծրագրի ընդհանուր արժեքի առնվազն 10%-ը։
Համայնքի զարգացմանը և համայնքային հիմնախնդիրների լուծմանն ուղղված Ձեր ծրագրային առաջարկ-գաղափարները կարող եք ներկայացնել Ջերմուկի համայնքապետարան, վարչական ղեկավարների նստավայրեր, info@jermukcity.am էլ․ փոստով կամ նյութի տակ գրառում կատարելով՝ մինչև ս/թ մայիսի 2-ը։
ՄԱԿ-ի կայուն զարգացման 2030 օրակարգի, կայուն զարգացման նպատակների և դրամաշնորհի վերաբերյալ մանրամասն տեղեկություններ կարող եք ստանալ ստորև կամ զանգահարելով Ջերմուկի համայնքապետարան՝ 077.577.560 հեռախոսահամարով։
Հարգանքով՝ Ջերմուկի համայնքապետարան