«Տեղական ինքնակառավարման մասին» Հայաստանի Հանրապետության  օրենքի 18-րդ հոդվածի 19 -րդ կետին  համապատասխան 

1. Ջերմուկ համայնքի արվեստի դպրոցներում 2017 թվականի ուսման վարձի չափը սահմանել մեկ երեխայի հաշվով ամսական 3000 դրամ:

2. Ջերմուկի համայնքի ««ԶԱՏԻԿ» մանկապարտեզ ՆՈՒՀ»  ՀՈԱԿ-ում 2017 թվականի ծնողական վճարի չափ սահմանել մեկ երեխայի հաշվով Ջերմուկ քաղաքում՝ ամսական  7000 դրամ, Կեչուտ գյուղում և «Գնդեվազի մանկապարտեզ» ՀՈԱԿ-ում 2017 թվականի ծնողական վճարի չափ սահմանել մեկ երեխայի հաշվով 5000 դրամ: Միևնույն ընտանիքից մանկապարտեզ հաճախող երկրորդ և հաջորդ երեխաների, ինչպես նաև միակողմանի ծնողազուրկ երեխաների ծնողական վճարի չափը զեղչել 50 տոկոսով: 

3. Արցախյան պատերազմում և Հայաստանի Հանրապետության սահմանների պաշտպանության համար զոհվածների ու երկկողմանի ծնողազուրկ երեխաներին ազատել սույն որոշման մեջ նշված վարձերի ու վճարների մուծումից: Ընտանեկան նպաստ ստացող ընտանիքից արվեստի դպրոցներ հաճախող երկրորդ և հաջորդ երեխաների, ինչպես նաև միակողմանի ծնողազուրկ երեխաների ծնողական վճարի չափը զեղչել 50 տոկոսով:

4.  Ջերմուկի համայնքի մարզադպրոցում  2017 թվականի ծնողական վճարի չափ սահմանել մեկ երեխայի հաշվով ամսական  1000 դրամ:

5. Ջերմուկի  համայնքի ճոպանուղու կողմից մատուցվող ծառայությունների դիմաց  գանձվող վճարի չափը  սահմանել  1500 դրամ` մեկ ուղևորի մեկ շրջապտույտի համար:

6. Սույն որոշումն ուժի մեջ է մտնում ընդունմանը հաջորդող օրվանից և տարածվում է 2017 թվականի հունվարի 1-ից հետո առաջացած հարաբերությունների վրա: