«Նորմատիվ իրավական ակտերի մասին» Հայաստանի Հանրապետության օրենքի 33-րդ հոդվածի 3-րդ մասին և 34-րդ հոդվածին համապատասխան, հիմք ընդունելով «Տեղական ինքնակառավարման մասին» Հայաստանի Հանրապետության օրենքի 16-րդ հոդվածի 9-րդ մասը և ղեկավարվելով «Զանգվածային լրատվության մասին» Հայաստանի Հանրապետության օրենքի 7-րդ հոդվածի 2-րդ մասով ու «Անձնական տվյալների պաշտպանության մասին» Հայաստանի Հանրապետության  օրենքի 8-րդ հոդվածով՝

1․ Ջերմուկ համայնքի ավագանու 2021 թվականի դեկտեմբերի 22-ի «Հայաստանի Հանրապետության Վայոց ձորի մարզի Ջերմուկ համայնքի ավագանու կանոնակարգը ընդունելու և Ջերմուկի համայնքի ավագանու 2016 թվականի հոկտեմբերի 18-ի N 47-Ն որոշումն ուժը կորցրած ճանաչելու մասին» N 87-Ա որոշման հավելվածի՝ համայնքի ավագանու կանոնակարգի 100-րդ կետի 1-ին պարբերությունը լրացնել հետևյալ բովանդակությամբ նոր նախադասությամբ՝ «Ավագանու նիստի սիրողական տեսաձայնագրումը թույլատրելի է միայն համայնքի ղեկավարի կողմից տրամադրված թույլտվության հիման վրա, արգելվում է սիրողական տեսաձայնագրության հրապարակումը, տարածումը, ուղիղ հեռարձակումը ցանկացած լրատվական և (կամ)սոցիալական հարթակում։»։

2․ Սույն որոշումն ուժի մեջ է մտնում հրապարակման օրվանից։