Համաձայն «Տեղական ինքնակառավարման մասին» օրենքի 18-րդ հոդվածի 1-ին մասի 42-րդ կետի, «Շրջակա միջավայրի վրա ազդեցության գնահատման և փորձաքննության մասին» օրենքի 16-րդ հոդվածի 3-րդ մասի, Հայաստանի Հանրապետության կառավարության 2014 թվականի նոյեմբերի 19-ի N 1325-Ն որոշման, ՀՀ Հողային օրենսգրքի 82-րդ հոդվածի 1-ին մասի, հաշվի առնելով 2024 թվականի դեկտեմբերի 25-ին կայացած հանրային քննարկման արդյունքները՝
1․ Տալ նախնական համաձայնություն «ՎԱՅՔԻ ՃՇՇ» փակ բաժնետիրական ընկերությանը ՀՀ Վայոց ձորի մարզի Ջերմուկ համայնքի Գնդեվազ գյուղի վարչական տարածքում գտնվող Ջերմուկի ավազակոպճային խառնուրդի հանքավայրի 3-րդ տեղամասում օգտակար հանածոյի երկրաբանական ուսումնասիրության աշխատանքներ իրականացնելու վերաբերյալ։
2․ Սույն որոշումն ուժի մեջ է մտնում պաշտոնական հրապարակմանը հաջորդող օրվանից։