Ղեկավարվելով «Նորմատիվ իրավական ակտերի մասին» օրենքի 33-րդ հոդվածի 1-ին մասի 1-ին կետով և 34-րդ հոդվածով, «Հանրային ծառայության մասին»  օրենքի 3-րդ հոդվածի 4-րդ կետով, «Տեղական ինքնակառավարման մասին» օրենքի 18-րդ հոդվածի 1-ին մասի 28-րդ կետին համապատաասխան և հաշվի առնելով ՀՀ Վայոց ձորի մարզպետի ս/թ մարտի 7-ի N 01/08.2/1648-2024 գրությունը՝ 

1․ Ջերմուկ համայնքի ավագանու 2023 թվականի դեկտեմբերի 27-ի «Ջերմուկ համայնքի ղեկավարի վարձատրության չափը որոշելու, Ջերմուկի համայնքապետարանի աշխատակազմի կառուցվածքը, աշխատակիցների թվաքանակը, հաստիքացուցակը, պաշտոնային դրույքաչափերը հաստատելու և Ջերմուկ համայնքի ավագանու 2023 թվականի փետրվարի 24-ի N 15-Ա որոշումն ուժը կորցրած ճանաչելու մասին» N 101-Ա որոշման մեջ կատարել հետևյալ փոփոխությունները՝

1) որոշման Հավելված 2-ում՝ 

ա․ 8-րդ տողի «Հաստիքային միավորները» սյունակում «4» թիվը փոխարինել «5» թվով, «Ընդամենը աշխատավարձ (դրամ)» սյունակում՝ «1133000» թիվը փոխարինել «1416250» թվով,

բ․ «Աշխատակազմ (համայնքային ծառայության պաշտոններ)» և «Ֆինանսատնտեսագիտական, եկամուտների հաշվառման  և հավաքագրման  բաժին» հատվածներն ամփոփող «Ընդամենը» տողի «18» թիվը փոխարինել «19» թվով, «4369200» թիվը փոխարինել «4652450» թվով,

գ․ 20-րդ տողը հանել, «ՔԱՂԱՔԱՑԻԱԿԱՆ ԱՇԽԱՏԱՆՔ ԿԱՏԱՐՈՂՆԵՐ» հատվածն ամփոփող «Ընդամենը» տողի «2» թիվը փոխարինել «1» թվով, «380800» թիվը փոխարինել «119000» թվով,

դ․ «Ընդամենը/աշխատակազմ» տողում «5945050» թիվը փոխարինել «5966500» թվով, «8434732» թիվը փոխարինել «8456182» թվով,

2) որոշման Հավելված 1-ում՝

ա․ «Աշխատակազմ՝ 12» արտահայտության մեջ «12» թիվը փոխարինել «13» թվով

բ․ «Քաղաքացիական աշխատանք կատարողներ-3» արտահայտության մեջ «3» թիվը փոխարինել «2» թվով։

2․ Դիմել  Հայաստանի Հանրապետության Տարածքային կառավարման և ենթակառուցվածքների նախարարին` Հայաստանի Հանրապետության տարածքային կառավարման և ենթակառուցվածքների նախարարի 2022 թվականի փետրվարի 3-ի «Հայաստանի Հանրապետության Վայոց ձորի մարզի Ջերմուկի համայնքապետարանի աշխատակազմի համայնքային ծառայության պաշտոնների անվանացանկը հաստատելու մասին» N 173-Ա հրամանով հաստատված անվանացանկում հետևյալ լրացումը կատարելու համար․ անվանացանկի համայնքային ծառայության առաջատար պաշտոնների խմբի երրորդ ենթախումբը լրացնել հետևյալ բովանդակությամբ նոր՝ 7-րդ կետով՝ «7․ աշխատակազմի գլխավոր մասնագետ»։

3․ Սույն որոշումն ուժի մեջ է մտնում որոշման ընդունման մասին ՀՀ Տարածքային կառավարման և ենթակառուցվածների նախարարությանը օրենքով սահմանված կարգով պատշաճ իրազեկելու օրվան հաջորդող օրվանից և  տարածվում է սույն որոշման 2-րդ կետում նշված անվանացանկում լրացում կատարելու մասին նախարարի հրամանի ընդունման օրվանիից հետո ծագած հարաբերությունների վրա։