Ղեկավարվելով «Տեղական ինքնակառավարման մասին» օրենքի 35-րդ հոդվածի 1-ին մասի 24-րդ կետով, «Նորմատիվ իրավական ակտերի մասին» օրենքի 33-րդ հոդվածի 3-րդ մասով և հաշվի առնելով ՀՀ Կադաստրի կոմիտեի՝ Գույքի նկատմամբ իրավունքի (սահմանափակման) պետական գրանցման վարույթը կասեցնելու մասին Կ–22052025-10-0171 որոշումը՝ որոշում եմ՝ 

1․ Ջերմուկ համայնքի ղեկավարի 2025 թվականի մայիսի 16-ի «Ջերմուկ համայնքի սեփականություն հանդիսացող Գնդեվազ գյուղում գտնվող 0,09579 հա մակերեսով գյուղատնտեսական նշանակության հողամասը որպես առանձին միավոր ճանաչելու և համայնքային սեփականություն գրանցելու մասին» N 112-Ա որոշման մեջ կատարել հետևյալ լրացումները՝

ա/ որոշման վերնագրում «հողամասը» բառից հետո ավելացնել «՝ ՓՈՓՈԽՎԱԾ ՀՈՂԱՏԵՍՔՈՎ» կետադրական նշանը և բառերը,

բ/ ավելացնել նոր՝ 1․1 կետ հետևյալ բովանդակությամբ՝ «1․1․ Հայաստանի Հանրապետության կառավարության 2009 թվականի սեպտեմբերի 17-ի «Հայաստանի Հանրապետության գյուղատնտեսական նշանակության հողերի հողատեսքերի փոփոխման կարգը հաստատելու մասին» N 1066-Ն որոշմամբ հաստատված կարգի 7-րդ կետի հիման վրա՝ հաշվի առնելով այն հանգամանքը, որ համայնքի բնակչի կողմից ապօրինի հողօգտագործման արդյունքում սույն որոշման 1-ին կետում նշված հողամասը վերածվել է պտղատու այգու՝ համայնքի կադաստրային քարտեզում հողամասի հողատեքը փոխել արոտավայրից բազմամյա տնկարկի»։

2․ Սույն որոշումն ուժի մեջ է մտնում հրապարակմանը հաջորդող օրվանից։