Ղեկավարվելով  «Տեղական ինքնակառավարման մասին»  Հայաստանի Հանրապետության օրենքի  42-րդ հոդվածի 1-ին կետի 15-րդ և 22-րդ ենթակետերով, հիմք ընդունելով Գնդեվազ գյուղի վարչական ղեկավար Ս․ Մկրտչյանի՝ ս/թ սեպտեմբերի 16-ի զեկուցագիրը (մտից N 1475)՝ որոշում եմ՝

1.  Ջերմուկ համայնքի Գնդեվազ գյուղի վարչական տարածքի՝ Մ-2 միջպետական ճանապարհի հարակից տարածքը բարեկարգելու և սանիտարական մաքրման նպատակով իրականացնել չորացած ծառերի (ուռենիների) հատում:

2. Սույն որոշման կատարումը վերապահել «Ջերմուկի կոմունալ տնտեսություն» ՀՈԱԿ–ին՝  նշված աշխատանքների կատարման հսկողությունը դնելով Գնդեվազ գյուղի վարչական ղեկավար Սևակ Մկրտչյանի վրա:

3. «Ջերմուկի կոմունալ տնտեսություն» ՀՈԱԿ-ի տնօրենին՝ հատան աշխատանքների ժամանակ անհրաժեշտ վառելանյութը և աշխատանքային գործիքները տրամադրել ՀՈԱԿ-ի միջոցներից, տարածքների մաքրումը կատարել ՀՈԱԿ-ի կողմից՝ համայնքի միջոցների հաշվին, առաջացած փայտանյութը տրամադրել  վարչական ղեկավարի գրասենյակին՝ գյուղի անապահով բնակիչներին, որպես վառելանյութ, բաշխելու նպատակով:

4. Սույն որոշման կատարման   հսկողությունը վերապահել վարչական ղեկավար Սևակ Մկրտչյանին և «Ջերմուկի կոմունալ տնտեսություն» ՀՈԱԿ-ի տնօրեն Ա. Սիմոնյանին։

5.Սույն որոշման պատճեն ուղարկել ՀՀ բնապահպանության նախարարության Բնապահպանության և ընդերքի տեսչական մարմնի Վայոց ձորի տարածքային բաժնին:

6. Սույն որոշումն ուժի մեջ է մտնում հրապարակման օրվանից: