Համաձայն «Տեղական ինքնակառավարման մասին» Հայաստանի Հանրապետության օրենքի 35-րդ հոդվածի 1-ին մասի 24-րդ կետի, Հայաստանի Հանրապետության քաղաքացիական օրենսգրքի 466-րդ հոդվածի 1-ին մասի, Հայաստանի Հանրապետության հարկային օրենսգրքի 229-րդ հոդվածի 1-ին մասի 2-րդ կետի «բ» ենթակետի, հիմք ընդունելով  Ջերմուկ համայնքի ավագանու 2023 թվականի ապրիլի 21-ի «Ջերմուկ համայնքում հողի կադաստրային արժեքի փոփոխմամբ պայմանավորված գործող վարձակալության, կառուցապատման և սերվիտուտի իրավունքի տրամադրման պայմանագրերում վարձավճարի (վճարի) փոփոխություն կատարելու մասին» N 32-Ա որոշումը, հաշվի առնելով «Մուշեղ ՀԷԿ» ՍՊ ընկերության տնօրեն Մ․ Մանուկյանի համաձայնությունը (մտից N 61, 13․01․2025 թ.)՝ որոշում եմ՝

1.  Ջերմուկ համայնքում 2021 թվականի հունվարի 1-ի դրությամբ հողամասերի  (բացառությամբ գյուղատնտեսական նշանակության հողերի) և շինությունների տարածագնահատման (գտնվելու վայրի) գոտիականության նոր սահմանների և, ըստ այդմ, կադաստրային նոր արժեքների սահմանմամբ պայմանավորված  Ջերմուկ համայնքի  և «Մուշեղ ՀԷԿ» ՍՊ ընկերության միջև 2008 թվականի օգոստոսի 27-ին  կնքված հողամասի սերվիտուտի պայմանագրում կատարել հետևյալ փոփոխությունը՝

• պայմանագրի 1․2-րդ կետը շարադրել նոր՝ հետևյալ խմբագրությամբ՝ «հողամասի սերվիտուտի համար տարեկան վճարը 2024 թվականի  համար կազմում է  112285 դրամ, 2025 թվականի  համար՝ 168430 դրամ, 2026 թվականի և հաջորդող տարիների համար՝ 224570 դրամ։»  

2. «Մուշեղ ՀԷԿ» ՍՊ ընկերության հետ  օրենքով սահմանված կարգով կնքել սույն որոշման առաջին կետում նշված հողամասի սերվիտուտի պայմանագրում փոփոխություն կատարելու մասին համաձայնագիր:

3. Սույն որոշումն ուժի մեջ է մտնում «Մուշեղ ՀԷԿ» ՍՊ ընկերությանը որոշման ընդունման մասին իրազեկելու օրվան հաջորդող օրվանից: