Զեկ. ԱՐՄԻՆԵ ՂԱԶԱՐՅԱՆ

«Տեղական ինքնակառավարման մասին» Հայաստանի Հանրապետության օրենքի 18-րդ հոդվածի 1-ին մասի 28-րդ  և  35-րդ հոդվածի 1-ին  մասի 7-րդ կետերին համապատասխան, ղեկավարվելով «Նորմատիվ իրավական ակտերի մասին» օրենքի 37-րդ հոդվածով՝

1. Հաստատել ՀՀ Վայոց ձորի մարզի Ջերմուկ համայնքի  ենթակա բյուջետային հիմնարկների և ՀՈԱԿ-ների աշխատակիցների թվաքանակը, հաստիքացուցակները և պաշտոնային դրույքաչափերը՝ համաձայն հավելվածի:

2․ Ջերմուկ համայնքի արվեստի դպրոցներում դասատուների, «Ջերմուկ համայնքի մարզամշակութային կենտրոն» ՀՈԱԿ-ում  մարզիչների ու գրադարանավարների, մասնագետների,   «ԶԱՏԻԿ» մանկապարտեզ» ՆՈՒՀ և «Գնդեվազի մանկապարտեզ» ՀՈԱԿ-ներում դաստիարակների  համար դրույքաչափը սահմանել 130 000 դրամ:

3. Սույն որոշման 2-րդ կետում նշված աշխատակիցների դրույքաչափի նկատմամբ սահմանել հավելավճար՝ հետևյալ սկզբունքով՝

ա/ միջնակարգ մասնագիտական կրթություն և 15 ու ավելի տարվա մասնագիտական ստաժ ունեցող աշխատակիցների պաշտոնային դրույքաչափի նկատմամբ կիրառվում է տոկոսային ավելացում 10 %-ի չափով։ 

բ/ բարձրագույն կրթություն ունեցող և մինչև 15 տարվա մասնագիտական ստաժ ունեցող աշխատակիցների պաշտոնային դրույքաչափի նկատմամբ կիրառվում է տոկոսային ավելացում 5 %-ի չափով։

գ/ բարձրագույն կրթություն ունեցող և 15 ու ավելի տարվա մասնագիտական ստաժ  ունեցող աշխատակիցների պաշտոնային դրույքաչափի նկատմամբ կիրառվում է տոկոսային ավելացում 15 %-ի չափով։

4.  Հայաստանի Հանրապետության կրթության և գիտության նախարարի 2007 թ. հունվարի  26-ի N 29-Ն հրամանի 3-րդ  և նշյալ հրամանով հաստատված  N 1 հավելվածի  25-րդ կետերին համապատասխան,  հաշվի առնելով, որ ամառային սեզոնի հետ կապված ավելանում է երիտասարդ կանանց զբաղվածությունը, որի հետևանքով կտրուկ ավելանում է նախադպրոցական տարիքի երեխաներին «Զատիկ» մանկապարտեզում ժամանակավորապես տեղավորելու դիմումների քանակը՝ իրավունք վերապահել մանկապարտեզի տնօրենին, համայնքի ղեկավարի որոշմամբ, ըստ անհրաժեշտության ավելացնելու խմբերի քանակը 1-ից 2-ով: Նման խմբերում աշխատողներին ընդունել պայմանագրային հիմունքներով՝ սահմանված կարգով կնքելով ժամկետային աշխատանքային պայմանագրեր։

5․ Ուժը կորցրած ճանաչել Ջերմուկ համայնքի ավագանու 2022 թվականի հունվարի 11-ի «Ջերմուկ համայնքի  ենթակա բյուջետային հիմնարկների և ՀՈԱԿ-ների աշխատակիցների թվաքանակը, հաստիքացուցակները և պաշտոնային դրույքաչափերը հաստատելու մասին» N 3-Ա և 2023 թվականի ապրիլի 21-ի «Ջերմուկ համայնքի  «Ջերմուկի կոմունալ տնտեսություն» համայնքային ոչ առևտրային կազմակերպության աշխատակիցների թվաքանակը, հաստիքացուցակը և պաշտոնային դրույքաչափերը հաստատելու մասին» N 39-Ա որոշումները։

6. Սույն որոշումն ուժի մեջ է մտնում 2024 թվականի հունվարի 1-ից: