Ղեկավարվելով «Համայնքային ծառայության մասին» Հայաստանի Հանրապետության օրենքի 10-րդ հոդվածի 3-րդ մասով, «Նորմատիվ իրավական ակտերի մասին» Հայաստանի Հանրապետության օրենքի 33-րդ և 34-րդ հոդվածներով, Ջերմուկ համայնքի ավագանու 2025 թվականի մայիսի 13-ի N 40-Լ որոշման դրույթների կատարումն ապահովելու նպատակով՝ որոշում եմ՝
1․ Ջերմուկի համայնքի ղեկավարի 2022 թվականի փետրվարի 10-ի N 18-Ա որոշման N 5 հավելվածով հաստատված համայնքապետարանի աշխատակազմի համայնքային ծառայության 2․3-3 ծածկագրով պաշտոնի (աշխատակազմի գլխավոր մասնագետ) անձնագրում կատարել հետևյալ լրացումը` «ԻՐԱՎՈՒՆՔՆԵՐ ԵՎ ՊԱՐՏԱԿԱՆՈՒԹՅՈՒՆՆԵՐ» մասի 11-րդ կետը լրացնել նոր՝ «գա» ենթակետով՝ հետևյալ բովանդակությամբ՝
«գա/ իրականացնում է համայնքում հանրային հավաքներ անցկացնելու իրազեկումների գրանցամատյանի վարման պարտականությունները, պատասխանատու է գրանցամատյանի պատշաճ վարման և պահպանման համար»
2․ Սույն որոշումն ուժի մեջ է մտնում հրապարակմանը հաջորդող օրվանից: