Համաձայն «Տեղական ինքնակառավարման մասին» Հայաստանի Հանրապետության օրենքի 35-րդ հոդվածի 1-ին մասի 24-րդ կետի, Հայաստանի Հանրապետության Հողային օրենսգրքի 66-րդ հոդվածի, «Անշարժ գույքի հարկով հարկման նպատակով անշարժ գույքի շուկայական արժեքին մոտարկված կադաստրային գնահատման կարգը սահմանելու մասին» Հայաստանի Հանրապետության օրենքի (ՀՕ-225-Ն), Հայաստանի Հանրապետության կառավարության 2006 թվականի մայիսի 18-ի N 912-Ն որոշման, հաշվի առնելով Ջերմուկ քաղաքի բնակիչ էդգար Խամբոյի Ղազարյանի դիմումները (մտից N 123՝ 26․01․2021 թ․ և N 1780՝ 29․11․2022 թ.) որոշում եմ՝
1. Ջերմուկ համայնքի սեփականություն հանդիսացող (հիմք` 2022 թվականի նոյեմբերի 22-ի N 22112022-10-0008 վկայական) Ջերմուկ քաղաքի Ձախափնյակ թաղամասի 6-րդ փողոցի N 6 հասցեում գտնվող 30 քառակուսի մետր արտաքին մակերեսով (ներքին մակերեսը՝ 41,94 քմ) ավտոտնակը և դրա պահպանման ու սպասարկման համար առանձնացված 30 քառակուսի մետր մակերեսով բնակավայրերի նշանակության բնակելի կառուցապատման հողամասը գնման նախապատվության իրավունքով ուղղակի վաճառքով օտարել կառույցն իրականացրած Ջերմուկ քաղաքի բնակիչ էդգար Խամբոյի Ղազարյանին:
2. Ընդունել ի գիտություն, որ`
1) շինության պահպանումը չի խախտում այլ անձանց իրավունքները և օրենքով պահպանվող շահերը, վտանգ չի սպառնում քաղաքացիների կյանքին ու առողջությանը.
2) շինությունը, համաձայն համայնքի գլխավոր հատակագծի և համայնքին փոխանցված հողերի ցանկի, կառուցված չէ Հայաստանի Հանրապետության հողային օրենսգրքի 60-րդ հոդվածով սահմանված հողամասերի վրա, ինչպես նաև ինժեներատրանսպորտային օբյեկտների օտարման կամ անվտանգության գոտիներում.
3) շինությունը կառուցված չէ քաղաքաշինական նորմերի և կանոնների էական խախտումներով և չի առաջացնում հարկադիր սերվիտուտ պահանջելու իրավունք:
3. Ուղղակի վաճառքի գները սահմանված են հետևյալ հաշվարկով.
1) ավտոտնակի 1 քառակուսի մետրի համար` 1100 (հազար հարյուր) դրամ (տարածագնահատման 11-րդ գոտի, կիրառված գործակիցը` 0.11).
2) առանձնացված հողամասի 1 քառակուսի մետրի կադաստրային արժեքը` 810 (ութ հարյուր տաս) դրամ:
4. էդգար Խամբոյի Ղազարյանը պարտավոր է վճարել.
1) համայնքապետարանի 900365000042 հաշվեհամարին`46 200 (քառասունվեց հազար երկու հարյուր) դրամ` շինության գինը.
2) համայնքապետարանի 900365031625 հաշվեհամարին`24 300 (քսանչորս հազար երեք հարյուր) դրամ` հողամասի գինը.
5. Սահմանել, որ սույն որոշումից ծագող գույքային իրավունքների պետական գրանցման հետ կապված վճարների ու տուրքերի վճարումը կատարվում է էդգար Խամբոյի Ղազարյանի կողմից:
6. Սույն որոշումն ուժի մեջ է մտնում էդգար Խամբոյի Ղազարյանին որոշման ընդունման մասին իրազեկելուն հաջորդող օրվանից: