Համաձայն «Տեղական ինքնակառավարման մասին» Հայաստանի Հանրապետության օրենքի 35-րդ հոդվածի 1-ին մասի 24-րդ կետի, Հայաստանի Հանրապետության քաղաքացիական օրենսգրքի 466-րդ հոդվածի 1-ին մասի, Հայաստանի Հանրապետության հարկային օրենսգրքի 229-րդ հոդվածի 1-ին մասի 2-րդ կետի «բ» ենթակետի, հիմք ընդունելով «ՆԱՐԵԿ» բաց բաժնետիրական ընկերության և Ջերմուկի քաղաքապետի միջև 05․06․2003 թ․ կնքված  վարձակալության պայմանագրի 9-րդ կետը և Ջերմուկ համայնքի ավագանու 2023 թվականի ապրիլի 21-ի «Ջերմուկ համայնքում հողի կադաստրային արժեքի փոփոխմամբ պայմանավորված գործող վարձակալության, կառուցապատման և սերվիտուտի իրավունքի տրամադրման պայմանագրերում վարձավճարի (վճարի) փոփոխություն կատարելու մասին» N 32-Ա որոշումը, հաշվի առնելով «ՆԱՐԵԿ» ԲԲԸ տնօրենի համաձայնությունը (մտից N 1137, 08.07.2024 թ.)՝ որոշում եմ՝

1. Հաշվի առնելով 2003 թվականից ի վեր «ՆԱՐԵԿ» բաց բաժնետիրական ընկերության կողմից օրենսդրական պահանջների պահպանմամբ Ջերմուկ համայնքից վարձակալած 15500 քմ մակերեսով հողամասի որոշ հատվածների նկատմամբ սեփականության իրավունքի գրանցման հանգամանքը և ԲԲԸ–ի կողմից ներկայացված՝ տարածքի նոր չափագրության արդյունքները (չափագրող՝ Ա/Ձ Գնել Առաքելյան)՝  Ջերմուկի քաղաքապետի և «ՆԱՐԵԿ» բաց բաժնետիրական ընկերության (այսուհետ՝ Վարձակալ) միջև 2003 թվականի հունիսի 5-ին  կնքված հողամասի վարձակալության պայմանագրում (այսուհետ՝ Պայմանագիր) կատարել հետևյալ փոփոխությունը՝

• պայմանագրի 1-ին կետում «15500» թիվը փոխարինել «5926,6» թվով
• պայմանագրի 3-րդ կետը շարադրել նոր խմբագրությամբ՝ հետևյալ բովանդակությամբ՝ «Հողամասի նկարագիրը՝ պուրակ է, որը չի կարող ենթարկվել բնութագրի փոփոխության»։

2․ Ջերմուկ համայնքում 2021 թվականի հունվարի 1-ի դրությամբ հողամասերի  (բացառությամբ գյուղատնտեսական նշանակության հողերի) և շինությունների տարածագնահատման (գտնվելու վայրի) գոտիականության նոր սահմանների և, ըստ այդմ, կադաստրային նոր արժեքների սահմանմամբ պայմանավորված Պայմանագրում կատարել հետևյալ փոփոխությունները՝

• պայմանագրի 8-րդ կետը շարադրել նոր՝ հետևյալ խմբագրությամբ՝ «Սույն պայմանագրի 1-ին կետում նշված հողամասի տարեկան վարձավճարը 2024 թվականի  համար կազմում է 479 361 դրամ, 2025 թվականի  համար՝ 719042 դրամ, 2026 թվականի և հաջորդող տարիների համար՝ 958722 դրամ։» 

3. Վարձակալի հետ  օրենքով սահմանված կարգով կնքել սույն որոշման առաջին կետում նշված հողամասի վարձակալության պայմանագրում փոփոխություններ կատարելու մասին համաձայնագիր:

3. Սույն որոշումն ուժի մեջ է մտնում Վարձակալին որոշման ընդունման մասին իրազեկելու օրվան հաջորդող օրվանից: