Համաձայն «Տեղական ինքնակառավարման մասին» Հայաստանի Հանրապետության օրենքի 35-րդ հոդվածի 1-ին մասի 24-րդ կետի, Հայաստանի Հանրապետության քաղաքացիական օրենսգրքի 466-րդ հոդվածի 1-ին մասի, Հայաստանի Հանրապետության հարկային օրենսգրքի 229-րդ հոդվածի 1-ին մասի 2-րդ կետի «բ» ենթակետի, հիմք ընդունելով Ջերմուկ քաղաքի բնակիչ Ռոզա Լենդրուշի Օհանյանի և Ջերմուկի քաղաքապետի միջև 2003 թվականի հոկտեմբերի 16-ին կնքված վարձակալության պայմանագրի 9-րդ կետի դրույթները և Ջերմուկ համայնքի ավագանու 2023 թվականի ապրիլի 21-ի «Ջերմուկ համայնքում հողի կադաստրային արժեքի փոփոխմամբ պայմանավորված գործող վարձակալության, կառուցապատման և սերվիտուտի իրավունքի տրամադրման պայմանագրերում վարձավճարի (վճարի) փոփոխություն կատարելու մասին» N 32-Ա որոշումը, հաշվի առնելով Ռ. Լ. Օհանյանի ներկայացուցիչ Մարտին Լենդրուշի Օհանյանի համաձայնությունը (մտից N 1612, 14.10.2024 թ.)՝ որոշում եմ՝
1. Ջերմուկ համայնքում 2021 թվականի հունվարի 1-ի դրությամբ հողամասերի (բացառությամբ գյուղատնտեսական նշանակության հողերի) և շինությունների տարածագնահատման (գտնվելու վայրի) գոտիականության նոր սահմանների և, ըստ այդմ, կադաստրային նոր արժեքների սահմանմամբ պայմանավորված Ջերմուկի քաղաքապետի և Ջերմուկ քաղաքի բնակիչ Ռոզա Լենդրուշի Օհանյանի (այսուհետ՝ Վարձակալ) միջև 2003 թվականի հոկտեմբերի 16-ին կնքված հողամասի վարձակալության պայմանագրում կատարել հետևյալ փոփոխությունը՝
- պայմանագրի 8-րդ կետը շարադրել նոր՝ հետևյալ խմբագրությամբ՝ «Հողամասի տարեկան վարձավճարը կազմում է 2024 թվականի համար՝ 1170 դրամ, 2025 թվականի համար՝ 1755 դրամ, 2026 թվականի և հաջորդող տարիների համար՝ 2340 դրամ։»
2. Վարձակալի հետ՝ ի դեմս նրա ներկայացուցիչ Մարտին Լենդրուշի Օհանյանի, օրենքով սահմանված կարգով կնքել սույն որոշման առաջին կետում նշված վարձակալության պայմանագրում փոփոխություն կատարելու մասին համաձայնագիր:
3. Սույն որոշումն ուժի մեջ է մտնում Վարձակալին որոշման ընդունման մասին իրազեկելու օրվան հաջորդող օրվանից: