Ղեկավարվելով «Համայնքային ծառայության մասին» Հայաստանի Հանրապետության օրենքի  10-րդ հոդվածի 3-րդ մասով, «Հանրային ծառայության մասին» Հայաստանի Հանրապետության օրենքի 46.1-ին և 46․2-րդ հոդվածներով, «Նորմատիվ իրավական ակտերի մասին» Հայաստանի Հանրապետության օրենքի 33-րդ, 34-րդ  և 37-րդ հոդվածներով, հիմք ընդունելով ՀՀ տարածքային կառավարման և ենթակառուցվածքների նախարարի 13.01.2023 թվականի թիվ ԳՍ/15.4/951-2023 հանձնարարականի պահանջները և Վայոց ձորի մարզպետի N 01/08.2/0300-2023 - 16/01/2023 գրությունը՝ որոշում եմ՝

1․ Ջերմուկի համայնքի ղեկավարի  2022 թվականի փետրվարի 10-ի N 18-Ա որոշման N 5 հավելվածով  հաստատված համայնքապետարանի աշխատակազմի համայնքային ծառայության 2․3-3 ծածկագրով պաշտոնի (աշխատակազմի գլխավոր մասնագետ) անձնագրում կատարել հետևյալ լրացումը` «ԻՐԱՎՈՒՆՔՆԵՐ ԵՎ ՊԱՐՏԱԿԱՆՈՒԹՅՈՒՆՆԵՐ» մասի 11-րդ կետը լրացնել նոր՝ «մ» ենթակետով՝ հետևյալ բովանդակությամբ՝

   «մ/  Հակակոռուպցիոն ծրագրերի պատասխանատուն է՝ հետևյալ գործառույթներով՝

1) իր իրավասության շրջանակներում համագործակցում է իրավասու մարմինների հետ, ապահովում է ռազմավարական փաստաթղթերով նախատեսված հակակոռուպցիոն ոլորտի միջոցառումների իրականացումը, հաշվետվությունների տրամադրումը, ինքնագնահատման զեկույցների կազմումը, հարցաշարերի լրացումը, մասնակցությունը հակակոռուպցիոն ոլորտին առնչվող քննարկումներին, 

2) տրամադրում է համապատասխան մարմնի գործառույթներին առնչվող ռազմավարական փաստաթղթերով նախատեսված՝ հակակոռուպցիոն ոլորտի միջոցառումների և ոլորտային միջազգային պարտավորությունների կատարման վերաբերյալ տեղեկատվություն, պարզաբանումներ, միջոցներ է ձեռնարկում համապատասխան մարմնի կողմից ոլորտային միջազգային պարտավորությունների կատարումն ապահովելու ուղղությամբ, 

3) իրավունք ունի համապատասխան տեղական ինքնակառավարման մարմնի կողմից իրականացվող հակակոռուպցիոն ծրագրերի շրջանակներում համայնքապետարանի ստորաբաժանումներից պահանջելու և ստանալու տեղեկատվություն, 

4) իրավունք ունի հակակոռուպցիոն քաղաքականության և մոնիտորինգի համար պատասխանատու մարմնից պահանջելու և ստանալու մեթոդական աջակցություն, խորհրդատվություն ռազմավարական փաստաթղթերով նախատեսված հակակոռուպցիոն ոլորտի միջոցառումների և ոլորտային միջազգային պարտավորությունների վերաբերյալ:»

2.  Ջերմուկի համայնքի ղեկավարի  2022 թվականի փետրվարի 10-ի N 18-Ա որոշման N 6 հավելվածով  հաստատված համայնքապետարանի աշխատակազմի համայնքային ծառայության 2․3-4 ծածկագրով պաշտոնի (աշխատակազմի գլխավոր մասնագետ) անձնագրում կատարել փոփոխություն՝ «ԻՐԱՎՈՒՆՔՆԵՐ ԵՎ ՊԱՐՏԱԿԱՆՈՒԹՅՈՒՆՆԵՐ» մասի 11-րդ կետից հանել «ձ» ենթակետը։

3․ Ուժը կորցրած ճանաչել Ջերմուկ համայնքի ղեկավարի 2023 թվականի հունվարի 18-ի «Ջերմուկի համայնքապետարանի աշխատակազմի համայնքային ծառայության 2․3-4 ծածկագրով պաշտոնի անձնագրում լրացում կատարելու մասին» N 8-Ա որոշումը։

4․ Սույն որոշումն ուժի մեջ է մտնում հրապարակմանը հաջորդող օրվանից: