Համաձայն «Տեղական ինքնակառավարման մասին» օրենքի 35-րդ հոդվածի 1-ին մասի 16-րդ կետի, Ջերմուկ համայնքի ավագանու 2023 թվականի դեկտեմբերի 27-ի N 99-Ն որոշման և հաշվի առնելով «ՍՏԱՐՏ-ՆԵՏ» սահմանափակ պատասխանատվությամբ ընկերության տնօրեն Ա․ Մարգարյանի՝ ս/թ հուլիսի 24-ի գրությունը (մտից՝ 2024 թվականի հուլիսի 25-ի N 1233)՝ որոշում եմ՝
1. Ջերմուկ համայնքի սեփականություն հանդիսացող Կեչուտ գյուղում գտնվող թվով 40 (քառասուն) լուսավորության հենասյուները օգտագործման իրավունքով ս/թ օգոստոսի 5-ից տրամադրել «ՍՏԱՐՏ-ՆԵՏ» սահմանափակ պատասխանատվությամբ ընկերությանը:
2. Հենասյուների օգտագործման պայմանագրի ժամկետ սահմանել 2027 թվականի օգոստոսի 1-ը:
3․ «ՍՏԱՐՏ-ՆԵՏ» սահմանափակ պատասխանատվությամբ ընկերությունը պարտավոր է համայնքապետարանի 900365031138 հաշվեհամարին վճարել ամսական 20000 (քսան հազար) դրամ` լուսավորության հենասյուների օգտագործման տրամադրման ծառայության վճար:
4․ Սույն որոշումն ուժի մեջ է մտնում «ՍՏԱՐՏ-ՆԵՏ» սահմանափակ պատասխանատվությամբ ընկերությանը որոշման ընդունման մասին իրազեկելուն հաջորդող օրվանից: