Ղեկավարվելով «Ավտոտրանսպորտային միջոցների կայանատեղերի տեղական վճարի և վարչական վարույթի առանձնահատկությունների մասին» օրենքի 13-րդ հոդվածով, Հայաստանի Հանրապետության կառավարության 2012 թվականի հոկտեմբերի 10-ի N 1293-Ն որոշման հավելվածի 3-րդ կետով, Ջերմուկ ավագանու 2025 թվականի մայիսի 13-ի «Ջերմուկ քաղաքում ավտոկայանատեղի կազմակերպելու մասին» N 39-Ա որոշմամբ, ՀՀ Քաղաքացիական օրենսգրքի 782-790-րդ հոդվածներով, հիմք ընդունելով Հայաստանի Հանրապետության Ներքին գործերի նախարարության Ոստիկանության համայնքային ոստիկանության կողմից 2025 թվականի ապրիլի 8-ի N 113/91518 գրությամբ տրված համաձայնությունը (մտից N 584, 15․04․2025 թ․) և անհատ ձեռնարկատեր Կորյուն Ռուստամի Մկրտչյանի դիմումը (մտից N 479, 31․03․2025 թ․)՝ որոշում եմ՝
1․ Անհատ ձեռնարկատեր Կորյուն Ռուստամի Մկրտչյանին վերապահել Ջերմուկ քաղաքի Շահումյան փողոցի N 24/4 հասցեում գտնվող «Բաղաբերդ» ռեստորանի հարևանությամբ համայնքային սեփականություն հանդիսացող ընդհանուր օգտագործման բաց հարթակում ավտոկայանատեղ կազմակերպելու իրավասությունը։
2․ Սահմանել՝ ավտոկայանատեղում
ա/ ավտոտեղերի քանակը՝ 3 (երեք)
բ/ միմյանց նկատմամբ մեքենաների զուգահեռ տեղաբաշխմամբ մեկ շարքով
գ/ աշխատանքային ռեժիմը` շաբաթվա բոլոր օրերին, շուրջօրյա
դ/ վճարի չափը հաշվարկվում է ըստ ավտոկայանատեղում ավտոտրանսպորտային միջոցների կայանման տեղերի թվի և համայնքի ավագանու 2024 թվականի դեկտեմբերի 25-ի «Հայաստանի Հանրապետության Վայոց ձորի մարզի Ջերմուկ համայնքում 2024 թվականի տեղական տուրքերի և վճարների դրույքաչափեր և տեղական վճարների արտոնություններ սահմանելու մասին» N 76-Ն որոշմամբ սահմանված մեկ ավտոտրանսպորտային միջոցի դրույքաչափի
ե/ սահմանները համապատասխան գծանշումներով կամ երթևեկության կազմակերպման այլ տեխնիկական միջոցներով երթևեկելի մասից առանձնացնելը և դեպի կայանատեղ մուտքի ու ելքի հատվածները կանոնակարգելը կատարվում են անհատ ձեռնարկատեր Կորյուն Ռուստամի Մկրտչյանի կողմից։
3․ Անհատ ձեռնարկատեր Կորյուն Ռուստամի Մկրտչյանի պարտավոր է ավտոկայանատեղի կազմակերպումն իրականացնել ՀՀ կառավարության 2012 թվականի հոկտեմբերի 10-ի N 1293-Ն որոշմամբ հաստատված կարգի III բաժնի նորմատիվ պահանջներին համապատասխան։
4․ Անհատ ձեռնարկատեր Կորյուն Ռուստամի Մկրտչյանի հետ կնքել պայմանագիր ավտոկայանատեղի գործունեության կազմակերպման հետ կապված իրավահարաբերությունները կարգավորելու նպատակով։
5․ Սույն որոշումն ուժի մեջ է մտնում որոշման ընդունման մասին Անհատ ձեռնարկատեր Կորյուն Ռուստամի Մկրտչյանին իրազեկելու օրվան հաջորդող օրվանից։