Համաձայն «Տեղական ինքնակառավարման մասին» Հայաստանի Հանրապետության օրենքի 35-րդ հոդվածի 1-ին մասի 24-րդ կետի, Հայաստանի Հանրապետության քաղաքացիական օրենսգրքի 466-րդ հոդվածի 1-ին մասի, Հայաստանի Հանրապետության հարկային օրենսգրքի 229-րդ հոդվածի 1-ին մասի 2-րդ կետի «բ» ենթակետի, հիմք ընդունելով «Ջերմուկ-1» սահմանափակ պատասխանատվությամբ ընկերության և Ջերմուկի քաղաքապետի միջև 13․05․2003 թ․ կնքված  վարձակալության պայմանագրի 9-րդ կետի պահանջը և Ջերմուկ համայնքի ավագանու 2023 թվականի ապրիլի 21-ի «Ջերմուկ համայնքում հողի կադաստրային արժեքի փոփոխմամբ պայմանավորված գործող վարձակալության, կառուցապատման և սերվիտուտի իրավունքի տրամադրման պայմանագրերում վարձավճարի (վճարի) փոփոխություն կատարելու մասին» N 32-Ա որոշումը, հաշվի առնելով «Ջերմուկ-1» ՍՊԸ տնօրենի համաձայնությունը (մտից N 1939, 29.11.2024 թ.)՝ որոշում եմ՝

1.  Ջերմուկ համայնքում 2021 թվականի հունվարի 1-ի դրությամբ հողամասերի  (բացառությամբ գյուղատնտեսական նշանակության հողերի) և շինությունների տարածագնահատման (գտնվելու վայրի) գոտիականության նոր սահմանների և, ըստ այդմ, կադաստրային նոր արժեքների սահմանմամբ պայմանավորված Ջերմուկի քաղաքապետի և «Ջերմուկ-1» սահմանափակ պատասխանատվությամբ ընկերության (այսուհետ՝ Վարձակալ) միջև 2003 թվականի մայիսի 13-ին  կնքված (վավերացված է 13.05․2003 թ․ պետական նոտարական գրասենյակի նոտար Ստեփան Ստեփանյանի կողմից 89 սեղանամատյանում) հողամասի վարձակալության պայմանագրում կատարել հետևյալ փոփոխությունը՝

• պայմանագրի 1-ին կետում «19630» թիվը փոխարինել «16420,2» թվով
• պայմանագրի 8-րդ կետը շարադրել նոր՝ հետևյալ խմբագրությամբ՝ «Հողամասի տարեկան վարձավճարը 2024 թվականի  համար կազմում է  129700 դրամ, 2025 թվականի  համար՝ 194500 դրամ, 2026 թվականի և հաջորդող տարիների համար՝ 259300 դրամ։»  

2. Վարձակալի հետ  օրենքով սահմանված կարգով կնքել սույն որոշման առաջին կետում նշված հողամասի վարձակալության պայմանագրում փոփոխություն կատարելու մասին համաձայնագիր:

3. Սույն որոշումն ուժի մեջ է մտնում Վարձակալին որոշման ընդունման մասին իրազեկելու օրվան հաջորդող օրվանից: