Ղեկավարվելով «Տեղական ինքնակառավարման մասին» օրենքի 35-րդ հոդվածի 1-ին մասի 24-րդ կետով,  Հայաստանի Հանրապետության քաղաքացիական օրենսգրքի 466-րդ հոդվածի 1-ին մասով, հաշվի առնելով «ՌՈԲՆԱՆ» սահմանափակ պատասխանատվությամբ ընկերության տնօրեն Մ․ Վ․ Այվազյանի դիմումը (մտից N 795, 22․05․2025 թ․) որոշում եմ՝

1․ Ջերմուկ համայնքի և «ՌՈԲՆԱՆ» ՍՊ ընկերության միջև 2024 թվականի հունիսի 7-ին կնքված՝ Ջերմուկ քաղաքի Շահումյան փողոցի N 26 հասցեում ավտոկայանատեղ կազմակերպելու վերաբերյալ հանձնարարության պայմանագրում կատարել հետևյալ փոփոխությունները՝ պայմանագրի 

ա/ 2․3–րդ կետի «ա» ենթակետում «5 (հինգ)» թիվը և թվականը փոխարինել «3 (երեք)» թվով և թվականով

բ/ 3․1-ին կետում «07․06․2025 թ․» ամսաթիվը փոխարինել «07․06․2026 թ․» ամսաթվով՝ պայմանագրի ժամկետը երկարաձգելով մեկ տարով։

2․ Սահմանել, որ սույն որոշման 1-ին կետի «ա» ենթակետի գործողությունը տարածվում է 2025 թվականի հունիսի 1-ից հետո ծագող հարաբերությունների վրա։

3․ «ՌՈԲՆԱՆ» ՍՊ ընկերության տնօրեն Մխիթար Վոլոդյայի Այվազյանի հետ օրենքով սահմանված կարգով կնքել սույն որոշման առաջին կետում նշված հանձնարարության պայմանագրում փոփոխություն կատարելու մասին համաձայնագիր:

4․ Սույն որոշումն ուժի մեջ է մտնում «ՌՈԲՆԱՆ» ՍՊ ընկերության տնօրեն Մխիթար Վոլոդյայի Այվազյանին որոշման ընդունման մասին իրազեկելու օրվանից։