Ղեկավարվելով «Տեղական ինքնակառավարման մասին» օրենքի 18-րդ հոդվածի 29-րդ կետով՝ Հայաստանի Հանրապետության Հողային օրենսգրքի 3-րդ հոդվածի 1-ին ենթակետին, «Քաղաքաշինության մասին» Հայաստանի Հանրապետության  օրենքի 14.3-րդ հոդվածի 9-րդ կետին, Հայաստանի Հանրապետության  կառավարության 2011 թվականի դեկտեմբերի 29-ի «Հայաստանի Հանրապետության համայնքների (բնակավայրերի) գլխավոր հատակագծերի մշակման, փորձաքննության, համաձայնեցման, հաստատման ու փոփոխման կարգը հաստատելու և Հայաստանի Հանրապետության կառավարության 2003 թվականի մայիսի 2-ի N 609-Ն ու 2010 թվականի մարտի 4-ի N 208-Ն որոշումներն  ուժը կորցրած ճանաչելու մասին» N 1920-Ն որոշման 60-րդ կետին համապատասխան, հիմք ընդունելով Հայաստանի Հանրապետության վարչապետի 2009 թվականի դեկտեմբերի 22-ի N 1064-Ա որոշմամբ ստեղծված միջգերատեսչական հանձնաժողովի  18.12.2024 թ. N 2/փ-521 դրական եզրակացությունը՝

1. Ջերմուկ համայնքի սեփականությունը հանդիսացող 10-002-0459-0009 կադաստրային ծածկագրով 2.388 հա  մակերեսով գյուղատնտեսական նպատակային նշանակությամբ (հողատեսքը՝ վարելահող) հողամասի նպատակային նշանակությունը փոխել որպես էներգետիկայի, տրանսպորտի, կապի, կոմունալ ենթակառուցվածքների օբյեկտների՝ կոմունալ օբյեկտների հողերի գործառնական նշանակությամբ:

2. Հաստատել սույն որոշման 1-ին կետում նշված հողամասի նպատակային նշանակության փոփոխությունը:

3. Սույն որոշումն ուժի մեջ է մտնում ընդունմանը հաջորդող օրվանից: