Ղեկավարվելով «Տեղական ինքնակառավարման մասին» Հայաստանի Հանրապետության օրենքի 35-րդ հոդվածի 1-ին մասի  24-րդ, Հայաստանի Հանրապետության հողային օրենսգրքի 64-րդ հոդվածի 2-րդ և Հայաստանի Հանրապետության  կառավարության  1998 թ. դեկտեմբերի 31-ին ընդունված «Կադաստրային քարտեզագրումն ավարտված տարածքներում անշարժ գույքի նկատմամբ իրավունքների առաջին պետական գրանցման  կարգը հաստատելու մասին» N 867 որոշմամբ հաստատված կարգի 5-րդ կետերի պահանջներով, հաշվի առնելով Երևան քաղաքի բնակիչ Ա. Հովհաննիսյանի դիմումը (մտից N 1215, 07.08.2025 թ.)՝ որոշում եմ՝ 

1. Հիմք ընդունելով Գնդեվազ գյուղի՝  տնտեսությունների N 1 գրքից (գրանցման N 25) 16.06.2000 թ. տրված  քաղվածքը՝ Հայկ Հակոբի Հովհաննիսյանին (ներկայում՝ հանգուցյալ, մահվան վկայական՝ ԱԲ N 112503), Անահիտ Հայկի Հովհաննիսյանին (նույնականացման քարտ՝ 017208323)  և Սամվել ու Աստղիկ Աշոտի Թադևոսյաններին (նույնականացման քարտ՝ համապատասխանաբար՝ 008903254 և 010880409) սեփականաշնորհված 0,15 հա հողամասի հողաբաժնի չափից մինչև  20 % ավել օգտագործվող  300 քմ բնակելի կառուցապատման հողամասը (չափագրման տվյալների մուտքագրման տեղեկանք՝ 2025DKMKXZ) սեփականության իրավունքով անհատույց տրամադրել  հանգուցյալ Հայկ Հակոբի Հովհաննիսյանի ընտանիքին՝  Անահիտ Հայկի Հովհաննիսյանին և Սամվել ու Աստղիկ Աշոտի Թադևոսյաններին, և ճանաչել նրանց սեփականության իրավունքը:

2. Սույն որոշման առաջին կետում նշված 300 քմ հողակտորը համայնքի հողերի օգտագործման սխեմայով նախատեսված չէ այլ նպատակային կամ գործառնական նշանակությամբ օգտագործելու համար, ընդգրկված չի ինժեներատրանսպորտային օբյեկտների օտարման գոտիներում և սպասարկման համար նախատեսված տարածքներում, հողօգտագործումը չի խոչընդոտում այլ հողամասերի նպատակային կամ  գործառնական նշանակությամբ օգտագործմանը:

3.Սույն որոշումը ենթակա է պետական  գրանցման ՀՀ Կադաստրի կոմիտեի կողմից:

4. Սույն որոշումն ուժի մեջ է մտնում հրապարակմանը հաջորդող օրվանից։