Համաձայն «Հայաստանի Հանրապետության քաղաքացիական օրենսգրքում լրացումներ և փոփոխություններ կատարելու մասին» 2021 թվականի դեկտեմբերի 16-ի ՀՕ-397-Ն օրենքի, «Տեղական ինքնակառավարման մասին» օրենքի 35-րդ հոդվածի 1-ին մասի 22-րդ և 24-րդ կետերի, Հայաստանի Հանրապետության կառավարության 2005 թվականի դեկտեմբերի 29-ի N 2387-Ն որոշմամբ հաստատված կարգի 29-րդ, 50-րդ և 55-րդ կետերի, 2006 թվականի մայիսի 18-ի N 731-Ն և N 912-Ն որոշումների, հաշվի առնելով Գնդեվազ գյուղի բնակիչ Ա․ Վ․ Վարդազարյանի դիմումը և գույքի համասեփականատերերի համաձայնությունը (մտից N 977, 11․06․2024 թ.)՝ որոշում եմ՝

1. Ջերմուկ համայնքի Գնդեվազ գյուղի 1-ին փողոցի 2-րդ փակուղու N 2 հասցեում գտնվող գյուղի բնակիչներ Վասակ Գագիկի Վարդազարյանին, Անժելա Ժորայի Արշակյանին, Ալյոշա, Աննա և Սաթենիկ Վասակի Վարդազարյաններին  սեփականության իրավունքով պատկանող հողամասին կից համայնքային սեփականություն  հանդիսացող 16,2 քառակուսի մետր մակերեսով հողամասում ինքնակամ կառուցված 16,2 քմ արտաքին մակերեսով կիսակառույց շինությունը (այսուհետ՝ շինություն) համարել  Ջերմուկ համայնքի սեփականությունը և ճանաչել օրինական․ ՀՀ Կադաստրի կոմիտեում հաշվառման ծածկագիր՝ 2023VKJRUE:

2. Ընդունել ի գիտություն, որ`
   ա) շինության պահպանումը չի խախտում այլ անձանց իրավունքները և օրենքով պահպանվող շահերը, վտանգ չի սպառնում քաղաքացիների կյանքին ու առողջությանը.
   բ) շինությունը, համաձայն համայնքի գլխավոր հատակագծի և համայնքին փոխանցված հողերի ցանկի, կառուցված չէ Հայաստանի Հանրապետության հողային օրենսգրքի 60-րդ հոդվածով սահմանված հողամասերի վրա, ինչպես նաև ինժեներատրանսպորտային օբյեկտների օտարման կամ անվտանգության գոտիներում.
   գ) շինությունը կառուցված չէ քաղաքաշինական նորմերի և կանոնների էական խախտումներով և չի առաջացնում հարկադիր սերվիտուտ պահանջելու իրավունք:

3. Հաստատել սույն որոշման 1-ին կետով օրինական ճանաչված շինության և դրա պահպանման ու սպասարկման համար առանձնացված հողամասի հատակագծերը: 

4. Սույն որոշման 1-ին կետում նշված շինությանը և դրա պահպանման ու սպասարկման համար առանձնացված հողամասին տրամադրել հետևյալ հասցեն`
 
              Ջերմուկ համայնք, գ․ Գնդեվազ,  1-ին փողոց, 2-րդ փակուղի N 2/2:

5. Սույն որոշման 1-ին կետի հիմքով փոփոխված համարել Գնդեվազ գյուղի 1-ին փողոցի 2-րդ փակուղու N 2/2 հասցեում գտնվող 16,2 քմ մակերեսով հողամասի գործառնական նշանակությունը՝ բնակելի կառուցապատման հողամասից հասարակական կառուցապատման հողամասի։

6․ Սույն որոշումից ծագող իրավունքի պետական գրանցման օրվանից 15 աշխատանքային օրվա ընթացքում գրավոր առաջարկություն ներկայացնել ինքնակամ կառույցն իրականացրած Գնդեվազ գյուղի բնակիչ Ալյոշա Վասակի Վարդազարյանին` սույն որոշման 1-ին կետում նշված օրինականացված շինությունը  և համապատասխան հողամասը գնման նախապատվության իրավունքով (ուղղակի վաճառք) ձեռք բերելու մասին:

6. Սույն որոշումն ուժի մեջ է մտնում հրապարակմանը հաջորդող օրվանից։