Ջերմուկ համայնքի ղեկավար Վարդան Հովհաննիսյանը այսօր կայացած աշխատանքային խորհրդակցության ժամանակ հանձնարարել է աշխատակազմին ևս /ոստկանության հետ համատեղ/, հետևողական լինել բնակիչների և հյուրերի կողմից սահմանված անվտանգության կանոնների պահպանմանը:
Կոմունալ սպասարկման բաժնին հանձնարարվել է ախտահանման աշխատանքներ կազմակերպել բոլոր ենթակա հիմնարկներում, դպրոցներում, մարդաշատ վայրերում և ճոպանուղում:
Հանձնարարականների կատարման ընթացքը կներկայացվի հաջորդիվ:

ՀՀ կառավարության կողմից իրականացվող ևս մեկ ծրագիր, որը շատ կարևոր է զբոսաշրջային կենտրոն հանդիսացող Ջերմուկի համար, կավարտվի մոտ ապագայում: Ջերմուկը կունենա նոր, գեղեցիկ, վերանորոգված քաղաքային զբոսայգի:  

Շուտով վերանորոգման /հիմնանորոգման/ աշխատանքները կավարտվեն: 

Համայնքի ղեկավար Վարդան Հովհաննիսյանը այցելել, և տեղում հետևել է աշխատանքների ընթացքին:

Լուսանկարները՝ համայնքապետարանի ֆեյսբուքյան էջում:

Արդեն ավարտված զբոսայգու լուսանկարները կներկայացվեն հաջորդիվ: 

ՀՀ կառավարության կողմից իրականացվող սուբվենցիոն ծրագրի շրջանակներում ավարտվեցին նաև #Ջերմուկի համայնքային՝ "Զատիկ" մանկապարտեզի բակի բարեկարգման և ասֆալտապատման աշխատանքները: Ջերմուկը այժմ ունի ամբողջովին վերանորոգված, կահավորված, բոլոր չափանիշներին համապատասխանող մանկապարտեզ, որը աշխատում է ՀՀ պարետի կողմից սահմանված նորմերին համապատասխան: ՛՛Զատիկը՛՛ ունի նաև նմանատիպ՝ հիմնանորոգված ու կահավորված մասնաշենք Կեչուտ գյուղում: Իսկ Գնդևազ գյուղի մանկապարտեզը այս պահին նույն ծրագրի շրջանակներում հիմնանորոգվում է:

Բոլոր լուսանկարները տեղադրված են Ջերմուկի համայնքապետարանի ֆեյսբուքյան էջում՝ ըստ կատարված աշխատանքների հաջորդականության: 

Ջերմուկի համայնքապետարանի կողմից ուղարկված նվեր տոպրակները արդեն հասել են հասցեատերերին։
Համայնքի ղեկավար Վարդան Հովհաննիսյանը /իր ֆեյսբուքյան էջում/ շնորհավորել է ուս. տարվա մեկնարկի կապակցությամբ և մաղթել, որ համավարակը չխանգարի մեր երկրի ապագան կառուցող երեխաների` լավ ու որակյալ կրթություն ստանալու գործին:
Նաև մաղթել է բոլոր փոքրիկներին լավ սովորել, լինել խելացի, և ամենակարևորը՝ առողջ:

Համայնքապետարանի աշխատակազմը միանում է բոլոր շնորհավորանկներին ու բարեմաղթանքներին։

Անկախ ամեն ինչից, Ջերմուկ համայնքի ղեկավարի նախաձեռնությամբ ձևավորված ավանդույթը, այս տարի ևս չի խախտվի:
Համայնքում առաջին դասարան գնացող բոլոր փոքրիկները կստանան իրենց նվեր տոպրակները /ներառյալ համայնքի կազմում գտնվող գյուղերը՝ Կեչուտ, Գնդեվազ, Հերհեր/:
Հենց այս պահին տոպրակները պատրաստվում և ուղարկվում են դպրոցներ: