Համաձայն «Տեղական ինքնակառավարման մասին» Հայաստանի Հանրապետության օրենքի 45-րդ հոդվածի 1-ին մասի 2-րդ կետի, Ջերմուկի համայնքի ավագանու 2022 թվականի նոյեմբերի 18-ի N 89-Ն և 2023 թվականի դեկտեմբերի 27-ի N 98-Ն որոշումների, հիմք ընդունելով անհատ ձեռնարկատեր Մխիթար Մարգարյանի հայտը (մտից՝ N 693, 2024 թվականի ապրիլի 22)՝ որոշում եմ՝

1. Անհատ ձեռնարկատեր Մխիթար Մարգարյանին տալ 2024 թվականի ընթացքում Ջերմուկ համայնքի Ջերմուկ քաղաքի Ազատամարտիկների փողոցի N 17 հասցեում գտնվող  խանութում ոգելից և ալկոհոլային խմիչքների և ծխախոտային արտադրատեսակների կամ ծխախոտային արտադրատեսակների փոխարինիչների (բացառությամբ բժշկական նշանակության ծխախոտային արտադրատեսակների փոխարինիչների) կամ ծխախոտային արտադրատեսակների նմանակների վաճառքի թույլտվություն (Թույլտվություն N 41):

2. Անհատ ձեռնարկատեր Մխիթար Մարգարյանին պարտավորեցնել Ջերմուկի համայնքապետարանի 900365031351  և 900365031336 հաշվեհամարներին վճարելու տեղական տուրք` 9750–ական (իննը հազար յոթ հարյուր հիսունական) դրամ՝ յուրաքանչյուր եռամսյակի համար:

3. Սույն որոշումն ուժի մեջ է մտնում անհատ ձեռնարկատեր Մխիթար Մարգարյանին  որոշման ընդունման մասին իրազեկելուն հաջորդող օրվանից և տեղական տուրքի վճարման առկայությամբ՝ ուժի մեջ է մինչև ս/թ  դեկտեմբերի 30-ը: