Զեկ. ԳՈՀԱՐ ԹԱԴԵՎՈՍՅԱՆ

Ղեկավարվելով «Նորմատիվ իրավական ակտերի մասին» օրենքի 37-րդ հոդվածի 1-ին և 2-րդ մասերով և 36-րդ հոդվածի 2-րդ մասի պահանջներով, «Տեղական ինքնակառավարման մասին» օրենքի 18-րդ հոդվածի 1-ին մասի 42-րդ կետի հիման վրա, Հայաստանի Հանրապետության Հողային օրենսգրքի 46-րդ, 48-րդ հոդվածներին և 76-րդ հոդվածի 3-րդ մասին,  Հայաստանի Հանրապետության կառավարության 2001 թվականի ապրիլի 12-ի N 286 որոշմամբ հաստատված կարգի 43-րդ կետին համապատասխան՝

1․ Ջերմուկ համայնքի ավագանու 2022 թվականի հոկտեմբերի 26-ի «Ջերմուկ համայնքի վարչական տարածքում գտնվող հողամասերը օտարելու, աճուրդային եղանակով վաճառքի մեկնարկային գներն ու պայմանները հաստատելու մասին» N 80-Ա որոշումը մասնակի՝ 10-016-0208-0107 և 10-016-0208-0106 կադաստրային ծածկագրերով հողերի մասով (որոշման 1-ին կետի աղյուսակի 3-րդ և 4-րդ տողեր) ճանաչել ուժը կորցրած։ 

2.Համաձայնություն տալ Ջերմուկ համայնքի վարչական տարածքում գտնվող՝

ա/ համայնքային սեփականություն համարվող գյուղատնտեսական նպատակային նշանակությամբ 0,52412 հա մակերեսով հողամասը (հողատեսքը՝ արոտավայր, կադաստրային ծածկագիրը՝ 10-016-0208-0106) մրցույթային եղանակով վարձակալության իրավունքով օգտագործման տրամադրելու  մասին Ջերմուկ  համայնքի ղեկավարի առաջարկությանը` հաստատելով վարձակալությամբ օգտագործման տրամադրելու նպատակը` գյուղատնտեսական գործունեության համար, տարեկան վարձավճարի մեկնարկային չափը` 50 000 (հիսուն հազար) դրամ, հողամասը վարձակալմամբ օգտագործելու ժամկետը` 25 (քսանհինգ) տարի,

բ/ համայնքային սեփականություն համարվող գյուղատնտեսական նպատակային նշանակությամբ 0,37873 հա մակերեսով հողամասը (հողատեսքը՝ արոտավայր, կադաստրային ծածկագիրը՝ 10-016-0208-0107) մրցույթային եղանակով վարձակալության իրավունքով օգտագործման տրամադրելու  մասին Ջերմուկ  համայնքի ղեկավարի առաջարկությանը` հաստատելով վարձակալությամբ օգտագործման տրամադրելու նպատակը` գյուղատնտեսական գործունեության համար, ամսական վարձավճարի մեկնարկային չափը` 45 000 (քառասունհինգ հազար) դրամ, հողամասը վարձակալմամբ օգտագործելու ժամկետը` 25 (քսանհինգ) տարի։

3․ Սույն որոշումն ուժի մեջ է մտնում ստորագրման պահից։