Ղեկավարվելով «Տեղական ինքնակառավարման մասին» Հայաստանի Հանրապետության օրենքի 18-րդ հոդվածի 29-րդ կետով՝ Հայաստանի Հանրապետության Հողային օրենսգրքի 3-րդ հոդվածի 1-ին ենթակետին, «Քաղաքաշինության մասին» Հայաստանի Հանրապետության օրենքի 14.3-րդ հոդվածի 9-րդ կետին, Հայաստանի Հանրապետության կառավարության 2011 թվականի դեկտեմբերի 29-ի «Հայաստանի Հանրապետության համայնքների (բնակավայրերի) գլխավոր հատակագծերի մշակման, փորձաքննության, համաձայնեցման, հաստատման ու փոփոխման կարգը հաստատելու և Հայաստանի Հանրապետության կառավարության 2003 թվականի մայիսի 2-ի N 609-Ն ու 2010 թվականի մարտի 4-ի N 208-Ն որոշումներն ուժը կորցրած ճանաչելու մասին» N1920-Ն որոշման 64-րդ կետին համապատասխան, հիմք ընդունելով Հայաստանի Հանրապետության վարչապետի 2009 թվականի դեկտեմբերի 22-ի N 1064-Ա որոշմամբ ստեղծված միջգերատեսչական հանձնաժողովի 05.04.2018 թ. թիվ 43 դրական եզրակացությունը 1. Ջերմուկ քաղաքի Գետափնյա փողոցի N 18/2 հասցեում գտնվող Հայաստանի Հանրապետության սեփականությունը հանդիսացող 10-002-0016-0004 և 10-002-0588-0007 կադաստրային ծածկագրերով 1224,8 քմ ընդհանուր մակերեսով անտառային նշանակության հողամասի, հողատեսքը՝ անտառ, նպատակային նշանակությունը փոխել որպես էներգետիկայի, կապի, տրանսպորտի, կոմունալ ենթակառուցվածքների օբյեկտների հողերի,գործառնական նշանակությունը՝ էներգետիկայի:
2. Պարտավորեցնել սույն որոշման 1-ին կետում նշված հողամասի վրա ինքնակամ շինարարություն իրականացրած «Ջերմուկի Տուրբոշին» ՍՊԸ-ին իրականացնել շահագործվող ինքնակամ շինությունների տեխնիկական վիճակի և սեյսմիկ խոցելիության գնահատում:
3. Սույն որոշումն ուժի մեջ է մտնում ընդունմանը հաջորդող օրվանից: |