Համաձայն «Տեղական ինքնակառավարման մաին» Հայաստանի Հանրապետության օրենքի  35-րդ հոդվածի 1-ին մասի 24-րդ կետի, Ջերմուկ համայնքի ավագանու 2020 թվականի դեկտեմբերի 24-ի N 80-Ն որոշման և հիմք ընդունելով «Ջերմուկ համայնքի մարզամշակութային կենտրոն» ՀՈԱԿ-ի տնօրենի զեկուցագիրը (մտից՝ 2021 թվականի ապրիլի 1-ի N 569)՝

1. 2021 թվականի 2-րդ եռամսյակից «Ջերմուկ համայնքի մարզամշակութային կենտրոն» ՀՈԱԿ-ի (այսուհետ՝ կազմակերպություն) ֆիթնես–մարզումների ծառայություններից օգտվողների համար կիրառել համայնքի կողմից մատուցված ծառայությունների դիմաց փոխհատուցման գումարի դրույքաչափի նվազեցման արտոնություն՝ վճարի 50 տոկոսի չափով՝ համաձայն հավելվածի։

2. Կազմակերպության տնօրենին՝
1) ապահովել կիրառված արտոնությունների կատարումը.
2) արտոնությունից օգտվողի կարգավիճակի փոփոխման դեպքում եռօրյա ժամկետում տեղեկատվություն ներկայացնել համայնքապետարան:

3. Սույն որոշումն ուժի մեջ է մտնում որոշման ընդունման պահից և տարածվում է 2021 թվականի ապրիլի 1-ից ծագած իրավահարաբերությունների վրա: