Հիմք ընդունելով ՀՀ Կրթության, գիտության, մշակույթի և սպորտի նախարարի ուղերձը՝ կորոնավիրուսային նոր հիվանդության 14․10․2020 թ․ հրապարակված վարակակիրների թվի ռեկորդային վտանգավոր աճի, առողջապահական համակարգը հիմնականում ռազմաճակատին ի սպաս դնելու խիստ անհրաժեշտության և աշնանային երկշաբաթյա արձակուրդը տեղափոխելու անհրաժեշտության մասին՝
1․ Ս/թ հոկտեմբերի 15-ից 29-ը ներառյալ դադարեցնել «Ջերմուկ համայնքի «Զատիկ» մանկապարտեզ» ՆՈՒՀ և «Գնդեվազի մանկապարտեզ» համայնքային ոչ առևտրային կազմակերպությունների գործունեությունը։
2․ «Ջերմուկ համայնքի Ռ․ Մելիքյանի անվան արվեստի դպրոց» և «Ջերմուկ համայնքի Շ․ Ազնավուրի անվան արվեստի դպրոց» համայնքային ոչ առևտրային ուսումնական կազմակերպությունների՝ նոյեմբերի 2-ից մեկնարկելիք աշնանային երկշաբաթյա արձակուրդը տեղափոխել հոկտեմբերի 15-ից 29-ը ներառյալ:
3․ Սույն որոշման 1-ին կետում նշված կազմակերպությունների բոլոր աշխատակիցներին, բացառությամբ կազմակերպության ղեկավարից, հաշվապահից և պահակներից, 2020 թվականի հոկտեմբերի 15-ից 29-ը ներառյալ համարել հարկադիր պարապուրդի մեջ:
4․ Սույն որոշումն ուժի մեջ է մտնում ընդունման օրվանից։