«Տեղական ինքնակառավարման մասին» Հայաստանի Հանրապետության օրենքի 42-րդ հոդվածի 1-ին մասի 8-րդ, Հայաստանի Հանրապետության Քաղաքացիական օրենսգրքի 188-րդ հոդվածի 4-րդ կետերի համաձայն և Հայաստանի Հանրապետության կառավարության 2006 թվականի մայիսի 18-ի N 912-Ն որոշմամբ հաստատված կարգի 17-րդ կետին, Հայաստանի Հանրապետության կառավարության 2003 թվականի ապրիլի 17-ի N 470-Ն որոշմանը համապատասխան՝ հիմք ընդունելով «Ջերմուկ Գրուպ» փակ բաժնետիրական ընկերության տնօրենի կողմից լիազորված անձ Ս. Հովսեփյանի դիմումը (մտից N 1240, 27.12.2018 թ.)
1. «Ջերմուկ Գրուպ» փակ բաժնետիրական ընկերությանը սեփականության իրավունքով պատկանող (հիմք` 2015 թվականի մարտի 11-ի N 11032015-10-0002 վկայական) Ջերմուկ քաղաքի Վ. Սարոյանի փողոցի N 2/1 հասցեում գտնվող 145,6 քմ հողամասում` 4-K հորատանցք, ինքնակամ կառուցված 18,86 քմ մակերեսով արտադրական նշանակության շինությունը՝ աղբյուրաշենքը, համարել օրինական:
2. Սահմանել, որ սույն որոշման 1-ին կետում նված շինությունը համապատասխանում է Հայաստանի Հանրապետության Քաղաքացիական օրենսգրքի 188-րդ հոդվածի 5-րդ կետով սահմանված օրինականացման պայմաններին. դրանք պահպանելը չի խախտում այլ անձանց իրավունքները և օրենքով պահպանվող շահերը, վտանգ չի սպառնում քաղաքացիների կյանքին ու առողջությանը, կառուցված չէ Հայաստանի Հանրապետության Հողային օրենսգրքի 60-րդ հոդվածով սահմանված հողամասերի վրա, ինչպես նաև ինժեներատրանսպորտային օբյեկտների օտարման կամ անվտանգության գոտիներում, կառուցված են քաղաքաշինական նորմերի ու կանոնների պահպանմամբ, չեն առաջացնում հարկադիր սերվիտուտ պահանջելու իրավունք:
3.Սույն որոշման 1-ին կետում նշված շինությունների օրինականացման համար հողամասի սեփականատերը պարտավոր է սույն որոշման ընդունման օրվանից 60 (վաթսուն) օրվա ընթացքում Ջերմուկի համայնքապետարանի 900365031583 հաշվեհամարին մուծել 36 800 (երեսունվեց հազար ութ հարյուր) դրամ գումար, հակառակ դեպքում Հայաստանի Հանրապետության կառավարության 2006 թվականի մայիսի 18-ի «Ինքնակամ կառույցների օրինականացման և տնօրինման կարգը հաստատելու մասին» N 912-Ն որոշմամբ հաստատված կարգի 11-րդ կետի «ե» ենթակետին համապատասխան սույն որոշումը կհամարվի ուժը կորցրած:
4. Սույն որոշումն ուժի մեջ է մտնում «Ջերմուկ Գրուպ» ՓԲ ընկերությանը որոշման ընդունման մասին իրազեկելու օրվան հաջորդող օրվանից: