Պետական տուրք և տեղական վճար սահմանված չէ:

• Համայնքապետարանը դիմումը ստանալուց հետո 2 աշխատանքային օրվա ընթացքում այն ուղարկում է ՀՀ ճանապարհային ոստիկանություն:
• Դիմումի հետ կապված մնացած գործողությունները կատարվում են ՀՀ ճանապարհային ոստիկանության կողմից:
• ՀՀ ճանապարհային ոստիկանության կողմից պատրաստված և համայնքապետարանին տրամադրված փաստաթղթերը 1 աշխատանքային օրվա ընթացքում հանձնվում են դիմումատուին:

• Դիմումի լրացված ձևաթուղթը:
• Դիմողի անձնագրի կամ անձը հաստատող այլ փաստաթղթի պատճենը:
• Տրանսպորտային միջոցի հաշվառման վկայագիրը:
• Սեփականության իրավունքի պետական գրանցման վկայականը:
• Համայնքի ավագանու որոշմամբ սահմանված  միջնորդավճարի փաստը հավաստող վճարման անդորրագիրը:

Դիմումը կարող է ներկայացվել ինչպես անձամբ, այնպես էլ ներկայացուցչի միջոցով (լիազորագիրի առկայության դելքում):

1. Դիմողին տրամադրում է խորհրդատվություն՝ փաստաթղթերի ամբողջական ընդունման, ՀՀ ոստիկանություն դրանք փոխանցման և պատասխանը դիմումատուին հանձնման ընթացակարգը պարզաբանելու նպատակով:

2. Դիմումի և կից փաստաթղթերի ընդունումը կատարվում է համայնքապետարանի աշխատակցի կողմից հետևյալ ընթացակարգով՝

• Ապահովվում է դիմողի նույնականացումը:
• Ստուգվում է դիմումի և կից փաստաթղթերի ամբողջականությունը և վավերությունը: Կից փաստաթղթերի պատճենների համապատասխանությունը դրանց իսկական օրինակներին հաստատվում են համայնքապետարանի համապատասխան աշխատողի ստորագրությամբ:
• Ապահովում է տեղական ինքնակառավարման մարմնի կողմից մատուցվող ծառայությունների համար նախատեսված միջնորդավճարի վճարումը հավաստող փաստաթղթի առկայությունը:

3. Դիմումի և կից փաստաթղթերի գրանցումը և ՀՀ ոստիկանություն փոխանցումը կատարվում է հետևյալ եղանակներով.

• ՀԿՏՀ փաստաթղթաշրջանառության համակարգում դիմումի գրանցում և փոխանցում ՀՀ որստիկանության էլ. փաստաթղթաշրջանառության համակարգին: Դիմումատուին տրամադրվում է ծածկագիր (հսկիչ համար)՝ դիմումի ընթացքին հետևելու համար:
• Դիմումատուի կողմից փաստաթղթերի բնօրինակները ներկայացնելու դեպքում դիմումը և կից փաստաթղթերի բնօրինակները փոստային եղանակով ներկայացնում են ՀՀ ոստիկանություն:

4. Դիմումատուին պատասխանը հանձնվում է հետևյալ եղանակներով.

• ՀՀ ճանապարհային ոստիկանության կողմից պատրաստված փաստաթղթերը առձեռն կամ փոստային եղանակով հանձնվում են համայնքապետարան:
• ՀՀ ճանապարհային ոստիկանության կողմից պատրաստված փաստաթղթերը կարող են Մալբերի (Mulberry) էլեկտրոնային համակարգից առաքվել համայնքապետարանի ՀԿՏՀ:
• ՀՀ ճանապարհային ոստիկանության կողմից պատրաստված փաստաթղթերը համայնքապետարանի կողմից 1 աշխատանքային օրվա ընթացքում հանձնվում են դիմումատուին: Էլեկտրոնային եղանակով ստացված փաստաթղթերը դիմումատուին տրամադրվում են հաստատված համայնքապետարանի կնիքով:

1. Հայաստանի Հանրապետության կառավարության 2016 թվականի հոկտեմբերի 27-ի N 1109-Ն որոշում
2. Հայաստանի Հանրապետության կառավարության 2016 թվականի նոյեմբերի 24-ի N 1218-Ն որոշում
3. Հայաստանի Հանրապետության օրենք պետական տուրքի մասին

1. Ծառայության տրամադրման համար անհրաժեշտ փաստաթղթերի փաթեթի ոչ լիաժեք ներկայացում,
2. Ներկայացված փաստաթղթերի անհամապատասխանություն օրենսդրության պահանջներին,
3. Ներկայացված փաստաթղթերում կեղծ տեղեկությունների բացահայտում:

1. Վարչական կարգ
Բողոք կարող է ներկայացվել ակտն ընդունած վարչական մարմին.
ա) վարչական ակտն ուժի մեջ մտնելու օրվանից 2 ամսվա ընթացքում,
բ) վարչական մարմնի կողմից գործողություն կատարելու օրվանից մեկ ամսվա ընթացքում,
գ) վարչական մարմնի կողմից անգործություն ցուցաբերելու օրվանից 2 ամսվա ընթացքում։

2. Դատական կարգ
Վարչական դատարան հայց ներկայացնելու միջոցով՝ ՀՀ վարչական դատավարության օրենսգրքով սահմանված կարգով: