«Տեղական ինքնակառավարման մասին» Հայաստանի Հանրապետության օրենքի 42-րդ հոդվածի 1-ին մասի 8-րդ կետի, Հայաստանի Հանրապետության Քաղաքացիական օրենսգրքի 188-րդ հոդվածի 4-րդ մասի, «Անշարժ գույքի հարկով հարկման նպատակով անշարժ գույքի շուկայական արժեքին մոտարկված կադաստրային գնահատման կարգը սահմանելու մասին» Հայաստանի Հանրապետության օրենքի (ՀՕ-225-Ն) 7-րդ հոդվածի 7-րդ մասի համաձայն և Հայաստանի Հանրապետության կառավարության 2006 թվականի մայիսի 18-ի N 912-Ն որոշմամբ հաստատված կարգի 8-րդ, 10-րդ, 11-րդ, 13-րդ և 18-րդ կետերին համապատասխան՝ հիմք ընդունելով ՀՀ Քաղաքաշինության, տեխնիկական և հրդեհային անվտանգության տեսչական մարմնի 13․04․2021 թ․ N ՔՏՄ/09․2․4/4078-21 գրությունը և Ջերմուկ քաղաքի բնակիչ Ա․ Ռ․ Մարկոսյանի դիմումը (մտից N 161, 26․01․2021 թ.)
1. Ջերմուկ համայնքի Ջերմուկ քաղաքի բնակիչ Արտակ Ռուբիկի Մարկոսյանին սեփականության իրավունքով պատկանող (հիմք` 2006 թվականի մայիսի 15-ի N 1977306 վկայական) Ջերմուկ քաղաքի Շահումյան փողոցի N 9/1 հասցեում գտնվող 0,22 հա մակերեսով հողամասում ինքնակամ կառուցված 207,4 քմ ներքին և 250 քմ արտաքին մակերեսով հասարակական նշանակության շինությունը (այսուհետ՝ շինություն) համարել օրինական։
2. Սահմանել, որ սույն որոշման 1-ին կետում նված շինությունը համապատասխանում է Հայաստանի Հանրապետության Քաղաքացիական օրենսգրքի 188-րդ հոդվածի 5-րդ կետով սահմանված օրինականացման պայմաններին. այն պահպանելը չի խախտում այլ անձանց իրավունքները և օրենքով պահպանվող շահերը, վտանգ չի սպառնում քաղաքացիների կյանքին ու առողջությանը, կառուցված չէ Հայաստանի Հանրապետության Հողային օրենսգրքի 60-րդ հոդվածով սահմանված հողամասերի վրա, ինչպես նաև ինժեներատրանսպորտային օբյեկտների օտարման կամ անվտանգության գոտիներում, կառուցված է քաղաքաշինական նորմերի ու կանոնների պահպանմամբ, չի առաջացնում հարկադիր սերվիտուտ պահանջելու իրավունք:
3. Սույն որոշման 1-ին կետում նշված շինության օրինականացման համար հողամասի սեփականատերը պարտավոր է սույն որոշման ընդունման օրվանից 60 (վաթսուն) օրվա ընթացքում Ջերմուկի համայնքապետարանի 900365031278 հաշվեհամարին մուծել 650 000 (վեց հարյուր հիսուն հազար) դրամ, հակառակ դեպքում Հայաստանի Հանրապետության կառավարության 2006 թվականի մայիսի 18-ի «Ինքնակամ կառույցների օրինականացման և տնօրինման կարգը հաստատելու մասին» N 912-Ն որոշմամբ հաստատված կարգի 11-րդ կետի «ե» ենթակետին համապատասխան սույն որոշումը կհամարվի ուժը կորցրած:
4. Սույն որոշումն ուժի մեջ է մտնում Արտակ Ռուբիկի Մարկոսյանին որոշման ընդունման մասին իրազեկելուն հաջորդող օրվանից: