Ղեկավարվելով «Տեղական ինքնակառավարման մասին» Հայաստանի Հանրապետության օրենքի 36-րդ հոդվածի 1-ին մասի 1-ին ենթակետով և 48-րդ հոդվածով, Հայաստանի Հանրապետության կառավարության 2017 թվականի օգոստոսի 10-ի «Հայաստանի Հանրապետության պաշտպանության նախարարության համակարգի՝ հաշմանդամության զինվորական կենսաթոշակի իրավունք ունեցող նախկին զինծառայողների և զոհված (մահացած) զինծառայողների ընտանիքների բնակարանային ապահովության կարգը հաստատելու և Հայաստանի Հանրապետության կառավարության 2005 թվականի հունիսի 9-ի N 947-Ն որոշման որոշման մեջ լրացումներ կատարելու մասին » N 1016-Ն որոշմամբ հաստատված կարգով, հիմք ընդունելով Ջերմուկի համայնքապետարանի աշխատակազմում գործող Զոհված (մահացած) կամ հաշմանդամ դարձած զինծառայողների (ազատամարտիկների) ընտանիքների բնակարանային պայմանների ուսումնասիրման հանձնաժողովի կողմից ս/թ դեկտեմբերի 8-ին կազմված բնակարանային պայմանների ուսումնասիրման վերաբերյալ արձանագրությունը

1. Ջերմուկ համայնքի Ջերմուկ քաղաքի բնակիչ Լուսինե Ապրեսի Տոնեյանի ընտանիքին ճանաչել բնակարանի կարիքավոր և վերցնել բնակարանային պայմանների բարելավման հաշվառման` հիմք ընդունելով հետևյալ հանգամանքները.

  - Լուսինե Ապրեսի Տոնեյանը 2017 թվականի օգոստոսի 5-ին զինծառայության ընթացքում մահացած Վահե Մեհրաբի Մարգարյանի այրին է

  - չորս հոգուց բաղկացած նրա ընտանիքը բնակվում է Ջերմուկ քաղաքի Ձախափնյակի 25-րդ շենքի N 31 բնակարանում, որը չի պատկանում իրեն, այն վարձակալված է, 73,9 քմ ընդհանուր մակերեսից բնակելի է 40,6 քմ-ը 

 - հանգուցյալ Վահե Մեհրաբի Մարգարյանի հոր ընտանիքին պատկանող Ջերմուկ քաղաքի Ձախափնյակի 19-րդ շենքի N 9 բնակարանում, որի սեփականաշնորհմանը մասնակցել է նաև Վահե Մարգարյանը և որի բնակելի մակերեսը 40,8 քմ է, բնակվում են յոթ հոգի:

2.Սույն որոշումն ուժի մեջ է մտնում ընդունմանը հաջորդող օրվանից: