Հիմք ընդունելով «Տեղական տուրքերի և վճարների մասին» Հայաստանի Հանրապետության օրենքի 16-րդ հոդվածի 1-ին և 3-րդ մասերը, ղեկավարվելով «Տեղական ինքնակառավարման մասին» Հայաստանի Հանրապետության օրենքի 18-րդ հոդվածի 1-ին մասի 42-րդ կետով՝ համայնքի ղեկավարի առաջարկությանը համապատասխան՝ 1․ Ջերմուկ համայնքի վարչական տարածքում գործունեություն իրականացնող և Հայաստանի Հանրապետությունում covid-19 վիրուսի համաճարակով պայմանավորված արտակարգ իրավիճակի պատճառով գործունեությունը ժամանակավորապես դադարեցրած տնտեսվարող սուբյեկտների համար 2020 թվականին սահմանված տեղական տուրքի դրույքաչափերի նկատմամբ կիրառել դրույքաչափի նվազեցման արտոնություն՝ համաձայն հավելվածի։
2․ Սույն որոշմամբ սահմանված արտոնության կիրառման համար հիմք է հանդիսանում Ջերմուկ համայնքի ղեկավարի խորհրդական Հ․ Դավթյանի՝ համայնքային բյուջեի եկամուտների հավաքագրման իրավիճակային ուսումնասիրությունների արդյունքում ներկայացրած զեկուցագիրը։
3․ Սույն որոշումն ուժի մեջ է մտնում հրապարակմանը հաջորոդող օրվանից և տարածվում է 2020 թվականի երկրորդ եռամսյակն ընդգրկող հարաբերությունների նկատմամբ։ |