Համաձայն Քաղաքացիական օրենսգրքի 217-րդ հոդվածի առաջին կետի և 466-րդ հոդվածի 1-ին մասի,  ղեկավարվելով «Տեղական ինքնակառավարման մասին» Հայաստանի Հանրապետության օրենքի 35-րդ հոդվածի 1-ին մասի 24-րդ կետով, հաշվի առնելով «Արփա Պլյուս» ՍՊ ընկերության տնօրեն Ս. Ավագյանի դիմումը (մտից N 1452, 30.12.2019թ.)

1.Դադարեցնել «Արփա Պլյուս» ՍՊ ընկերությանը սահմանափակ օգտագործման տրամադրված, Ջերմուկ համայնքին իրավահաջորդության սկզբունքով սեփականության իրավունքով պատկանող 0,52023 (զրո ամբողջ հիսուներկու հազար քսաներեք հարյուրհազարերորդական) և 1,73912 (մեկ ամբողջ յոթանասուներեք հազար իննը հարյուր տասներկու հարյուրհազարերորդական) հա մակերեսներով, համապատասխանաբար՝ Կարմրաշեն և Հերհեր գյուղերում գտնվող, հողամասերի նկատմամբ սահմանված սերվիտուտը:

2. Լուծել 2016 թվականի հուլիսի 28-ին կնքված (գրանցված է Վայք նոտարական տարածքի նոտարի սեղանամատյանում N 444 և 445) հողամասերի սերվիտուտի իրավունքի տրամադրման պայմանագրերը:

3. Սույն որոշումից ծագող պետական գրանցման հետ կապված վճարների և տուրքերի վճարումը կատարվում է «Արփա Պլյուս ՍՊ ընկերության կողմից։
  
4. Սույն որոշումն ուժի մեջ է մտնում «Արփա Պլյուս» ՍՊ ընկերությանը որոշման ընդունման մասին իրազեկելու օրվան հաջորդող օրվանից: