«Տեղական ինքնակառավարման մասին» Հայաստանի Հանրապետության օրենքի 43-րդ հոդվածի 1-ին կետի 4-րդ ենթակետին, Հայաստանի Հանրապետության Հողային օրենսգրքի 3-րդ հոդվածին և 7-րդ հոդվածի 8-րդ մասի 3-րդ կետին համապատասխան, հիմք ընդունելով Ջերմուկ համայնքի ավագանու 2020 թվականի նոյեմբերի 6-ի N 71-Ա որոշումը՝
1․ Ջերմուկ համայնքի Ջերմուկ քաղաքի Խաչիձորի փողոցի N 4/1 հասցեում գտնվող, համայնքային սեփականության բնակավայրերի նպատակային նշանակությամբ 1000 քմ մակերեսով հողամասի (գործառնական նշանակությունը՝ այլ հողեր, կադաստրային ծածկագիրը՝ 10-002-0068-0027) նպատակային նշանակությունը փոխել արդյունաբերության, ընդերքօգտագործման և այլ արտադրական նշանակության օբյեկտների նշանակության հողերի կատեգորիա՝ գյուղատնտեսական արտադրական օբյեկտների գործառնական նշանակությամբ՝ սպանդանոց կառուցելու համար։
2․ Սույն որոշման 1-ին կետում նշված հողամասի նպատակային նշանակության փոփոխությունը ներկայացնել ՀՀ Կադաստրի կոմիտե՝ պետական գրանցման՝ տրամադրելով ճարտարապետահատակագծային առաջադրանք։
3․ Սույն որոշումն ուժի մեջ է մտնում հրապարակմանը հաջորդող օրվանից: