Համաձայն Հայաստանի Հանրապետության Քաղաքացիական օրենսգրքի 188-րդ հոդվածի, «Տեղական ինքնակառավարման մասին» Հայաստանի Հանրապետության օրենքի 35-րդ հոդվածի 1-ին մասի 24-րդ կետերի
1. Ջերմուկ համայնքի Հերհեր գյուղում գտնվող համայնքային սեփականություն հանդիսացող 1440 քմ մակերեսով հողամասում (նպատակային նշանակությունը՝ գյուղատնտեսայան) ինքնակամ կառուցված 427,11 քմ ընդհանուր մակերեսով արտադրական նշանակության շինությունները (անասնաշենք և ծածկ), այսուհետ՝ շինություն, համարել Ջերմուկ համայնքի սեփականությունը:
2. Հայաստանի Հանրապետության կառավարության 2005 թվականի դեկտեմբերի 29-ի N 2387-Ն որոշմամբ հաստատված «Հայաստանի Հանրապետության քաղաքային և գյուղական բնակավայրերում ներբնակավայրային աշխարհագրական օբյեկտների անվանակոչման, անվանափոխման, անշարժ գույքի` ըստ դրա գտնվելու և /կամ/ տեղակայման վայրի համարակալման, հասցեավորման ու հասցեների պետական գրանցման կարգի» 29-րդ կետի «գ» ենթակետի և 48-րդ կետի հիման վրա սույն որոշման 1-ին կետում նշված շինությանը տրամադրել հետևյալ հասցեն՝ Ջերմուկ համայնք, գյուղ Հերհեր, Բազմաղբյուր N 15:
3. Սույն որոշման 1-ին կետում նշված շինության և դրա պահպանման ու սպասարկման համար առանձնացված հողամասի նկատմամբ Ջերմուկ համայնքի սեփականության իրավունքի գրանցումից հետո՝ Հայաստանի Հանրապետության օրենսդրությամբ սահմանված կարգով փոփոխել ինքնակամ կառույցով զբաղեցված հողամասի նպատակային նշանակությունը և օրինականացնել ինքնակամ կառուցված շինությունը:
4.Սույն որոշումն ուժի մեջ է մտնում հրապարակմանը հաջորդող օրվանից: