«Տեղական ինքնակառավարման մասին» Հայաստանի Հանրապետության օրենքի  42-րդ հոդվածի 1-ին մասի 8-րդ, Հայաստանի Հանրապետության Քաղաքացիական օրենսգրքի 188-րդ հոդվածի 4-րդ կետերի համաձայն և Հայաստանի Հանրապետության կառավարության 2006 թվականի մայիսի 18-ի  N 912-Ն որոշմամբ հաստատված կարգի 14-րդ և 17-րդ կետերին, Հայաստանի Հանրապետության կառավարության 2003 թվականի ապրիլի 17-ի N 470-Ն որոշման համապատասխան՝  հիմք ընդունելով Արգիշտի Վարդանյանի դիմումը (մտից N 1218, 21.12.2018 թ.)

1. Ջերմուկ համայնքի բնակիչ Արգիշտի Վարդանյանինսեփականության իրավունքով պատկանող (հիմք` 2018 թվականի դեկտեմբեր 6-ի N 06122018-10-0009 վկայական) Ջերմուկ քաղաքի Շահումյան փողոցի N 16/2,16/2/1 հասցեում գտնվող 42,3 քմ հողամասում   ինքնակամ կառուցված 76,43 քմ մակերեսով առևտրի սրահը (այսուհետ՝ շինություն) համարել օրինական:

2. Սահմանել, որ սույն որոշման 1-ին կետում նված շինությունը համապատասխանում է Հայաստանի Հանրապետության Քաղաքացիական օրենսգրքի 188-րդ հոդվածի 5-րդ կետով սահմանված օրինականացման պայմաններին. այն  պահպանելը չի խախտում այլ անձանց իրավունքները և օրենքով պահպանվող շահերը, վտանգ չի սպառնում քաղաքացիների կյանքին ու առողջությանը, կառուցված չէ Հայաստանի Հանրապետության Հողային օրենսգրքի 60-րդ հոդվածով սահմանված հողամասերի վրա, ինչպես նաև ինժեներատրանսպորտային օբյեկտների օտարման կամ անվտանգության գոտիներում, կառուցված է քաղաքաշինական նորմերի ու կանոնների պահպանմամբ, չի առաջացնում հարկադիր սերվիտուտ պահանջելու իրավունք:

3.Սույն որոշման 1-ին  կետում նշված շինության  օրինականացման համար հողամասի սեփականատերը պարտավոր է  սույն որոշման ընդունման օրվանից 60 (վաթսուն) օրվա ընթացքում Ջերմուկի համայնքապետարանի 900365031583 հաշվեհամարին մուծել 200 000 ( երկու հարյուր  հազար) դրամ գումար, հակառակ դեպքում Հայաստանի Հանրապետության կառավարության 2006 թվականի մայիսի 18-ի «Ինքնակամ կառույցների օրինականացման և տնօրինման կարգը հաստատելու մասին» N 912-Ն որոշմամբ հաստատված կարգի 11-րդ  կետի «ե» ենթակետին համապատասխան սույն որոշումը կհամարվի  ուժը կորցրած:

4. Սույն որոշումն ուժի մեջ է մտնում Արգիշտի Վարդանյանին որոշման ընդունման մասին իրազեկելուն հաջորդող օրվանից: