Համաձայն «Տեղական ինքնակառավարման մասին» օրենքի 35-րդ հոդվածի 1-ին մասի 24-րդ կետի, Հայաստանի Հանրապետության կառավարության 2011 թվականի դեկտեմբերի 29-ի «Հայաստանի Հանրապետության համայնքների (բնակավայրերի) գլխավոր հատակագծերի և համակցված տարածական պլանավորման փաստաթղթերի մշակման, փորձաքննության, համաձայնեցման, հաստատման ու փոփոխման կարգը հաստատելու և Հայաստանի Հանրապետության կառավարության 2003 թվականի մայիսի 2-ի  N 609-Ն ու 2010 թվականի մարտի 4-ի N 208-Ն որոշումները ուժը կորցրած ճանաչելու մասին» N 1920-Ն որոշմամբ հաստատված կարգի 24-րդ կետի 3-րդ ենթակետի, Ջերմուկ համայնքի ավագանու 2020 թվականի դեկտեմբերի 24-ի «2021 թվականի համար Ջերմուկ համայնքի և համայնքային ենթակայության կազմակերպությունների կողմից մատուցվող ծառայությունների դիմաց գանձվող վճարների դրույքաչափերը և արտոնությունները սահմանելու մասին» N 80-Ն որոշման և հաշվի առնելով Արմեն Արամի Վարդանյանի դիմումը (մուտք՝ 2021 թվականի փետրվարի 2-ի N 256)՝

1. Թույլատրել փոփոխելու Արմեն Արամի Վարդանյանին սեփականության իրավունքով պատկանող (հիմք՝ 2020 թվականի օգոստոսի 26-ի N 26082021-10-0019 վկայական) Ջերմուիկ քաղաքի Շահումյան փողոցի թիվ 32/3 հասցեում գտնվող 596 քառակուսի մետր մակերեսով բնակավայրերի նշանակության հասարակական կառուցապատման հողամասի գործառնական նշանակությունը որպես բնակելի կառուցապատման հողամաս:

2. Արմեն Արամի Վարդանյանը պարտավոր է Ջերմուկի համայնքապետարանի 900365031112 հաշվեհամարին մուծել 94400(իննսունչորս հազար չորս հարյուր) դրամ` որպես հողամասի գործառնական նշանակության փոփոխության ծառայության վճար։

3. Սույն որոշումը ենթակա է պետական գրանցման ՀՀ կադաստրի կոմիտեի տարածքային ստորաբաժանման կողմից:

3. Սույն որոշումն ուժի մեջ է մտնում Արմեն Արամի Վարդանյանին սույն որոշման ընդունման մասին իրազեկելուն հաջորդող օրվանից: