Ղեկավարվելով «Տեղական ինքնակառավարման մասին» Հայաստանի Հանրապետության օրենքի 42-րդ հոդվածի 1-ին կետի 15-րդ և 22-րդ ենթակետերով
1. Ջերմուկ քաղաքի առողջարանային գոտու տարածքները, ինչպես նաև՝ Աջափնյակ ու Ձախափնյակ թաղամասերի բնակելի շենքերի բակային տարածքները, դեպի Ձախափնյակ տանող միակողմանի ճանապարհաեզրերը, ըստ անհրաժեշտության, բարեկարգելու և սանիտարական մաքրման նպատակով թույլատրել «Ջերմուկ համայնքի կոմունալ սպասարկում և բարեկարգում» ՀՈԱԿ-ին իրականացնելու ծառերի էտ՝ պահպանելով ծառերի առնվազն 4 մետր բարձրությունը:
2. Էտման հետևանքով առաջացած փայտանյութը, որպես վառելիք, օգնության կարգով, ըստ ցուցակի, բաշխել համայնքի զոհված և վիրավոր ազատամարտիկների, միայնակ թոշակառուներից կազմված, ինչպես նաև սոցիալապես անապահով ընտանիքներին:
3. Սույն որոշման կատարման հսկողությունը դնել համայնքի ղեկավարի տեղակալ Ս. Մարգարյանի վրա:
4. Սույն որոշման պատճեն ուղարկել ՀՀ բնապահպանության նախարարության Բնապահպանության և ընդերքի տեսչական մարմնի Վայոց ձորի տարածքային բաժնին:
5. Սույն որոշումն ուժի մեջ է մտնում հրապարակմանը հաջորդող օրվանից: