Ղեկավարվելով «Տեղական ինքնակառավարման մասին» Հայաստանի Հանրապետության օրենքի 35-րդ հոդվածի 1-ին կետի 18-րդ և 46-րդ հոդվածի 1-ին կետի 2-րդ ենթակետերով, հիմք ընդունելով Ջերմուկի համայնքի ավագանու 2018 թվականի նոյեմբերի 21-ի  N 76-Ա որոշման 2-րդ կետը

1. Սպասարկման նվազ ծավալների պատճառով դադարեցնել «Ջերմուկի համայնքի քաղաքային գրադարան» համայնքային հիմնարկի՝ Գնդեվազ գյուղի գրադարանի  գործունեությունը և առաջարկություն ներկայացնել համայնքի ավագանուն՝ առաջիկա նիստի ժամանակ ընդունելու Գնդեվազի գրադարանի գրքային հավաքածուն «Գնդեվազ գյուղի միջնակարգ դպրոց» ՊՈԱԿ-ին նվիրելու որոշում:

2. «Ջերմուկի համայնքի քաղաքային գրադարան» համայնքային հիմնարկի տնօրեն տիկին Զ. Սարգսյանին՝ հաշվի առնելով, որ Ջերմուկ համայնքի ավագանու 2018 թվականի նոյեմբերի 21-ի «Հայաստանի Հանրապետության Վայոց ձորի մարզի Ջերմուկ համայնքի  ենթակա բյուջետային հիմնարկների և ՀՈԱԿ-ների  աշխատակիցների 2019 թվականի թվաքանակը, հաստիքացուցակները և պաշտոնային դրույքաչափերը հաստատելու մասին» N 76-Ա որոշմամբ հաստատված «Ջերմուկ համայնքի քաղաքային գրադարան» համայնքային հիմնարկի  հաստիքացուցակի մեջ չի ներառվել Գնդեվազի գրադարանի գրադարանավարի 1 միավոր  հաստիքը՝ սույն որոշման 1-ին կետի կատարման նպատակով օրենքով սահմանված կարգով  Գնդեվազ գյուղի գրադարանավարին ազատել աշխատանքից:

3. Սույն որոշումն ուժի մեջ է մտնում ընդունման պահից: