Հիմք ընդունելով ՀՀ Կրթության, գիտության, մշակույթի և  սպորտի նախարարի ուղերձը ս/թ նոյեմբերի 13-ից ուսումնական գործընթացը վերսկսելու մասին՝

1․ Ս/թ նոյեմբերի 13-ից վերսկսել ուսումնական գործընթացը «Ջերմուկ համայնքի «Զատիկ» մանկապարտեզ» ՆՈՒՀ, «Ջերմուկ համայնքի Ռ․ Մելիքյանի անվան արվեստի դպրոց» և «Ջերմուկ համայնքի Շ․ Ազնավուրի անվան արվեստի դպրոց» համայնքային ոչ առևտրային ուսումնական կազմակերպություններում։

2․ Ջերմուկ համայնքի «Գնդեվազի մանկապարտեզ» ՀՈԱԿ–ի աշխատակիցներին, բացառությամբ կազմակերպության ղեկավարից, հաշվապահից և պահակից, շարունակել համարել պարապուրդի մեջ՝ մինչև ՀՀ Կառավարության կողմից համաֆինանսավորվող՝ Ջերմուկ համայնքում իրականացվող ներդրումային ծրագրերի շրջանակներում մանկապարտեզի շենքի վերանորոգման շինարարական աշխատանքների ավարտը՝ պարապուրդում գտնվող աշխատակիցների վճարումը կատարելով օրենսդրությանը համապատասխան` Ջերմուկի համայնքի ավագանու կողմից հաստատված հաստիքացուցակով սահմանված աշխատավարձի երկու երրորդի չափով: 

3․ «Ջերմուկ համայնքի «Զատիկ» մանկապարտեզ» ՆՈՒՀ ՀՈԱԿ-ի տնօրեն Գայանե Հովհաննիսյանին՝ հաստատության գործունեությունը կազմակերպել սահմանված հակահամաճարակային կանոնների պահպանմամբ՝ ՀՀ առողջապահության նախարարի 2020 թվականի օգոստոսի 04-ի թիվ 17-Ն հրամանի հավելված N 12-ի դրույթների համաձայն։

4․ «Ջերմուկ համայնքի Ռ․ Մելիքյանի անվան արվեստի դպրոց» և «Ջերմուկ համայնքի Շ․ Ազնավուրի անվան արվեստի դպրոց» ՀՈԱԿ-ների տնօրեններ Արմեն Խուրշուդյանին և Գոհար Մանուկյանին՝ հաստատությունների գործունեությունը կազմակերպել  սահմանված հակահամաճարակային կանոնների պահպանմամբ՝ ՀՀ առողջապահության նախարարի 2020 թվականի օգոստոսի 04-ի թիվ 17-Ն հրամանի հավելված N 18-ի դրույթների համաձայն։

5․ Սույն որոշումն ուժի մեջ է մտնում ստորագրման պահից։