«Տեղական ինքնակառավարման մասին» Հայաստանի Հանրապետության օրենքի 42-րդ հոդվածի 1-ին մասի 9-րդ կետին համապատասխան, Հայաստանի Հանրապետության կառավարության 2011 թվականի դեկտեմբերի 29-ի «Հայաստանի Հանրապետության համայնքների (բնակավայրերի) գլխավոր հատակագծերի և համակցված տարածական պլանավորման փաստաթղթերի մշակման, փորձաքննության, համաձայնեցման, հաստատման ու փոփոխման կարգը հաստատելու և Հայաստանի Հանրապետության կառավարության 2003 թվականի մայիսի 2-ի N 609-Ն ու 2010 թվականի մարտի 4-ի N 208-Ն որոշումները ուժը կորցրած ճանաչելու մասին» N 1920-Ն որոշմամբ հաստատված կարգի 26-րդ կետի 2-րդ ենթակետի և Հայաստանի Հանրապետության կառավարության 2002 թվականի փետրվարի 2-ի N 88 որոշմամբ հաստատված «Հայաստանի Հանրապետությունում շենքերի, շինությունների կամ դրանց մի հատվածի նշանակությունը փոփոխելու կարգ»-ի հիման վրա
1. Սուրեն Ռոբերտի Մարգարյանին սեփականության իրավունքով պատկանող (հիմք` 2015 թվականի օգոստոսի 17-ին տրված N 17082015-10-0008 վկայական) Ջերմուկի Շահումյան փողոցի N 10/10 հասցեում գտնվող 87,2 քմ մակերեսով հասարակական նշանակության շինության՝ հասարակական զուգարանի, գործառնական նշանակությունը Հայաստանի Հանրապետության օրենսդրության և նորմատիվ-տեխնիկական փաստաթղթերի պահանջները բավարարող, սահմանված կարգով մշակված, համաձայնեցված ու հաստատված նախագծի հիման վրա փոփոխել որպես բնակելիի՝ բնակելի տան:
2.Սույն որոշման 1-ին կետում նշված շինության պահպանման ու սպասարկման համար առանձնացված 200 քառակուսի մետր մակերեսով բնակավայրերի նշանակության հասարակական կառուցապատման հողամասի գործառնական նշանակությունը փոխել որպես բնակելի կառուցապատման հողամաս:
3.Սույն որոշման 1-ին կետում նշված շինության գործառական նշանակությունը բնակելիի փոփոխելուց հետո այն ընդգրկել Ջերմուկ համայնքի բնակարանային ֆոնդում
4. Սույն որոշումը ենթակա է պետական գրանցման անշարժ գույքի կադաստրի տարածքային ստորաբաժանման կողմից:
5. Սույն որոշումն ուժի մեջ է ընդունմանը հաջորդող օրվանից: