«Տեղական ինքնակառավարման մասին» Հայաստանի Հանրապետության օրենքի 43-րդ հոդվածի 2-րդ կետի 2-րդ ենթակետի հիման վրա և Հայաստանի Հանրապետության Հողային օրենսգրքի 48.1 հոդվածին համապատասխան, հիմք ընդունելով Հայաստանի Հայաստանի Հանրապետության Կառավարության 2001 թվականի ապրիլի 12-ի «Պետական և համայնքային սեփականություն հանդիսացող հողամասերի օտարման, կառուցապատման իրավունքի և օգտագործման տրամադրման կարգը հաստատելու մասին» N 286 որոշմամբ հաստատված Կարգի 46.2 կետի «ա» ենթակետը և Ջերմուկ համայնքի ավագանու 2018 թվականի հունվարի 19-ի N 16-Ա որոշումը և հաշվի առնելով «ՎՏԲ Հայաստան Բանկ» ՓԲԸ Ջերմուկի մասնաճյուղի կառավարչի դիմումը (մտից N 1192, 06․10․2020 թ․)՝
1. Ջերմուկ քաղաքի Շահումյան փողոցի N 7/5/4 հասցեում գտնվող, համայնքային սեփականություն հանդիսացող 4 քմ մակերեսով բնակավայրերի նպատակային նշանակությամբ ընդհանուր օգտագործման գործառնական նշանակության հողամասը առանց մրցույթի կառուցապատման իրավունքով տրամադրել «ՎՏԲ Հայաստան Բանկ» փակ բաժնետիրական ընկերության Ջերմուկի մասնաճյուղին:
2. Սահմանել՝
-
Կառուցապատման իրավունքի տրամադրման ժամկետը մինչև` 07․10․2022 թ․։
-
Կառուցապատման իրավունքի տրամադրման ամսական վճարի չափը` 80 000 (ութսուն հազար) դրամ (վարձավճարը վճարվում է մինչև ընթացիկ ամսվան հաջորդող 5 օրվա ընթացքում)
-
Կառուցապատման իրավունքի տրամադրման նպատակը` բանկոմատ տեղադրելու և շահագործելու համար:
3. «ՎՏԲ Հայաստան Բանկ» փակ բաժնետիրական ընկերության Ջերմուկի մասնաճյուղի հետ, ի դեմս մասնաճյուղի կառավարիչ Հ․ Բալոյանի, օրենքով սահմանված կարգով կնքել սույն որոշման առաջին կետում նշված հողամասի կառուցապատման իրավունքի տրամադրման պայմանագիր:
4. Սույն որոշումից ծագող գույքային իրավունքների նոտարական ձևակերպման և պետական գրանցման հետ կապված վճարների ու տուրքերի վճարումը կատարվում է «ՎՏԲ Հայաստան Բանկ» փակ բաժնետիրական ընկերության Ջերմուկի մասնաճյուղի կողմից:
5. Սույն որոշումն ուժի մեջ է մտնում «ՎՏԲ Հայաստան Բանկ» փակ բաժնետիրական ընկերության Ջերմուկի մասնաճյուղին որոշման ընդունման մասին իրազեկելու օրվանից: