|
|
ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ
ՎԱՅՈՑ ՁՈՐԻ ՄԱՐԶ
ՋԵՐՄՈՒԿ ՀԱՄԱՅՆՔԻ ՂԵԿԱՎԱՐ
|
Ո Ր Ո Շ ՈՒ Մ
21 հունվարի 2020 թ. N 7-Ա
ՋԵՐՄՈՒԿ ՀԱՄԱՅՆՔԻ ԲՆԱԿԻՉ ՍՈՒՍԱՆՆԱ ՎԻՐԱԲՅԱՆԻՆ ՍԵՓԱԿԱՆՈՒԹՅԱՆ ԻՐԱՎՈՒՆՔՈՎ ՊԱՏԿԱՆՈՂ ԱՆՇԱՐԺ ԳՈՒՅՔԻ ԳՈՐԾԱՌՆԱԿԱՆ ՆՇԱՆԱԿՈՒԹՅՈՒՆԸ ՓՈՓՈԽԵԼՈՒ ԹՈՒՅԼՏՎՈՒԹՅՈՒՆ ՏԱԼՈՒ ՄԱՍԻՆ
Ղեկավարվելով «Տեղական ինքնակառավարման մասին» Հայաստանի Հանրապետության օրենքի 42-րդ հոդվածի 1-ին մասի 9-րդ կետով, Հայաստանի Հանրապետության կառավարության 2002 թվականի փետրվարի 2-ի «Հայաստանի Հանրապետությունում շենքերի, շինությունների կամ դրանց մի հատվածի գործառնական նշանակությունը փոփոխելու կարգը հաստատելու մասին» N 88 որոշմամբ հաստատված կարգի N 1 հավելվածի դրույթներով, Հայաստանի Հանրապետության կառավարության 2005 թվականի դեկտեմբերի 29-ի N 2387-Ն որոշմամբ հաստատված «Հայաստանի Հանրապետության քաղաքային և գյուղական բնակավայրերում ներբնակավայրային աշխարհագրական օբյեկտների անվանակոչման, անվանափոխման, անշարժ գույքի` ըստ դրա գտնվելու և /կամ/ տեղակայման վայրի համարակալման, հասցեավորման ու հասցեների պետական գրանցման կարգի» 29-րդ կետի «գ» ենթակետի և 48-րդ կետի հիման վրա՝ հաշվի առնելով Ջերմուկ համայնքի բնակիչ Սուսաննա Վիրաբյանի դիմումը (մտից N 47, 20.01.2020 թ.)
1.Թույլատրել Ջերմուկ համայնքի բնակիչ Սուսաննա Վիրաբյանին փոխելու Ջերմուկ համայնքի Կեչուտ գյուղում գտնվող սեփական հասարակական նշանակության անշարժ գույքի` առևտրի կենտրոնի (հիմք՝ N 1200765 վկայական), գործառնական նշանակությունը որպես բնակելիի` առանց ճարտարապետահատակագծային առաջադրանքի և նախագծային փաստաթղթերի:
2. Սույն որոշման 1-ին կետում նշված գույքի գործառական նշանակությունը բնակելիի փոփոխելուց հետո այն ընդգրկել Ջերմուկ համայնքի բնակարանային ֆոնդում և տրամադրել հետևյալ հասցեն՝ Ջերմուկ համայնք, գ. Կեչուտ, 8-րդ փողոց N 22:
3. Սույն որոշումը ենթակա է պետական գրանցման ՀՀ կադաստրի կոմիտեի կողմից:
4. Սույն որոշումն ուժի մեջ է մտնում Սուսաննա Վիրաբյանին որոշման ընդունման մասին իրազեկելուն հաջորդող օրվանից:
ՋԵՐՄՈՒԿ ՀԱՄԱՅՆՔԻ ՂԵԿԱՎԱՐ ՎԱՐԴԱՆ ՀՈՎՀԱՆՆԻՍՅԱՆ
2020
Ջերմուկ