1. Ջերմուկ համայնքի սեփականություն հանդիսացող (հիմք` 2022 թվականի օգոստոսի 3-ի N 03082022-10-0028 վկայական) Ջերմուկ քաղաքի Ձախափնյակ թաղամասի 5-րդ փողոցի N 10 հասցեում գտնվող 37,3 քառակուսի մետր արտաքին մակերեսով (ներքին մակերեսը՝ 33,2 քմ) ավտոտնակը և դրա պահպանման ու սպասարկման համար առանձնացված 37,3 քառակուսի մետր մակերեսով բնակավայրերի նշանակության բնակելի կառուցապատման հողամասը գնման նախապատվության  իրավունքով ուղղակի վաճառքով օտարել կառույցն իրականացրած Ջերմուկ քաղաքի բնակիչ Վահագն Արշակի Հարությունյանին:
2. Ընդունել ի գիտություն, որ`
     1) շինության պահպանումը չի խախտում այլ անձանց իրավունքները և օրենքով պահպանվող շահերը, վտանգ չի սպառնում քաղաքացիների կյանքին ու առողջությանը.
   2) շինությունը, համաձայն համայնքի գլխավոր հատակագծի և համայնքին փոխանցված հողերի ցանկի, կառուցված չէ Հայաստանի Հանրապետության հողային օրենսգրքի 60-րդ հոդվածով սահմանված հողամասերի վրա, ինչպես նաև ինժեներատրանսպորտային օբյեկտների օտարման կամ անվտանգության գոտիներում.
     3) շինությունը կառուցված չէ քաղաքաշինական նորմերի և կանոնների էական խախտումներով և չի առաջացնում հարկադիր սերվիտուտ պահանջելու իրավունք:
3. Ուղղակի վաճառքի գները սահմանված են հետևյալ հաշվարկով.
     1) ավտոտնակի 1 քառակուսի մետրի համար` 1100 (հազար  հարյուր) դրամ (տարածագնահատման 11-րդ գոտի, կիրառված գործակիցը` 0.11).
     2) առանձնացված հողամասի 1 քառակուսի մետրի կադաստրային արժեքը` 810  (ութ հարյուր տաս) դրամ:
4. Վահագն Արշակի Հարությունյանը  պարտավոր է վճարել.
       1) համայնքապետարանի 900365031278 հաշվեհամարին`41050 (քառասունմեկ հազար հիսուն)  դրամ` ավտոտնակի գինը.
  2) համայնքապետարանի 900365031625 հաշվեհամարին`30250 (երեսուն հազար երկու հարյուր հիսուն)  դրամ` հողամասի գինը. 
5. Սահմանել, որ սույն որոշումից ծագող գույքային իրավունքների  պետական գրանցման հետ կապված վճարների ու տուրքերի վճարումը կատարվում է Վահագն Արշակի Հարությունյանի  կողմից: 

6. Սույն որոշումն ուժի մեջ է մտնում Վահագն Արշակի Հարությունյանին որոշման ընդունման մասին իրազեկելուն հաջորդող օրվանից: