1. Հաստատել 2020 թվականի հունվարի 17-ին կայացած համայնքային սեփականություն համարվող, Ջերմուկ քաղաքի Մյասնիկյան փողոցի N 2/4/1 հասցեում գտնվող 433.3 քմ մակերեսով ջրային նշանակության հողամասի (գործառնական նշանակությունը՝ ջրային) վարձակալության իրավունքի տրամադրման մրցույթի հետևյալ արդյունքները՝
· Մրցույթում հաղթող ճանաչել «ՋԵՐԿԱՖ» ՍՊԸ-ին՝ ի դեմս տնօրեն Մարինե Օհանյանի,
· Վարձակալության իրավունքի ժամկետը՝ 17.01.2030թ.,
· Վարձակալության իրավունքի տրամադրման տարեկան վարձավճարի չափը՝ 50 000 (հիսուն հազար),
· Վարձակալության իրավունքի տրամադրման նպատակը՝ վերջրյա շարժական տաղավարներ տեղադրելու համար:
2. Սահմանել, որ սույն որոշման 1-ին կետում նշված հողամասի տարածքում վարձակալի կողմից կատարված անբաժանելի ներդրումները և բարելավումները համարվում են համայնքային սեփականությունը և հողամասի տարածքի մաքրման, կանաչապատման և բարեկարգման պարտավորությունը կրում է վարձակալը:
3. «ՋԵՐԿԱՖ» ՍՊԸ-ի հետ օրենքով սահմանված կարգով կնքել սույն որոշման առաջին կետում նշված հողամասի վարձակալության իրավունքի տրամադրման պայմանագիր:
4. Սույն որոշումից ծագող գույքային իրավունքների նոտարական ձևակերպման և պետական գրանցման հետ կապված վճարների ու տուրքերի վճարումը կատարվում է «ՋԵՐԿԱՖ» ՍՊԸ-ի կողմից:
5. Սույն որոշումն ուժի մեջ է մտնում ընդունմանը հաջորդող օրվանից: