Ղեկավարվելով «Տեղական ինքնակառավարման մասին» Հայաստանի Հանրապետության օրենքի 35-րդ հոդվածի 1-ին կետի 16-րդ ենթակետով, հիմք ընդունելով Ջերմուկ համայնքի ավագանու 2018 թվականի դեկտեմբերի 18-ի ««Ջերմուկ համայնքի ««Զատիկ» մանկապարտեզ» ՆՈՒՀ» և «Գնդեվազ համայնքի մանկապարտեզ» ՀՈԱԿ-ներին անհատույց օգտագործման իրավունքով տարածքներ տրամադրելու մասին» N 87-Ա որոշման 2-րդ կետը

1. Գնդեվազ համայնքի (իրավահաջորդը՝ Ջերմուկ համայնք) սեփականություն հանդիսացող Գնդեվազ գյուղի 8-րդ փողոցի 1-ին փակուղու N 3 հասցեում գտնվող հասարակական նշանակության շենքը՝ 468,45 քմ ընդհանուր մակերեսով, և դրա պահպանման և սպասարկման համար առանձնացված հողամասը՝ 933,3 քմ  ընդհանուր մակերեսով, անորոշ ժամկետով և անհատույց օգտագործման իրավունքով տրամադրել  «Գնդեվազ համայնքի մանկապարտեզ» համայնքային ոչ առևտրային կազմակերպությանը՝  նախադպրոցական կրթություն իրականացնելու նպատակով:

2. «Գնդեվազ համայնքի մանկապարտեզ» համայնքային ոչ առևտրային կազմակերպության՝ ի դեմս տնօրեն Սաթենիկ Ներսիսյանի, հետ օրենքով սահմանված կարգով կնքել սույն որոշման առաջին կետում նշված գուքը անհատույց օգտագործման իրավունքով տրամադրման մասին պայմանագիր:

3. Սույն որոշումն ուժի մեջ է մտնում ընդունման օրվանից: