«Համայնքային ծառայության մասին» Հայաստանի Հանրապետության օրենքի 10-րդ հոդվածի 3-րդ կետի հիման վրա և «Իրավական ակտերի մասին» Հայաստանի Հանրապետության օրենքի 70-րդ հոդվածի 3-րդ կետին  համապատասխան, հաշվի առնելով Վայոց ձորի մարզպետի 2017 թվականի հոկտեմբերի 9-ի N 01/08/7418-17 գրությունը՝

1. Ջերմուկի համայնքի ղեկավարի  2017 թվականի մայիսի 6-ի N 136-Ա որոշման N 15 հավելվածով  հաստատված համայնքապետարանի աշխատակազմի համայնքային ծառայության 3.1-8 ծածկագրով պաշտոնի անձնագրում կատարել հետևյալ լրացումները.

1) «ՊԱՇՏՈՆԻ ԸՆԴՀԱՆՈՒՐ ՆԿԱՐԱԳԻՐԸ» մասի «Գիտելիքների և հմտությունների առումով» բաժնի «բ» ենթակետում « Քաղաքացիական պաշտպանության մասին» բառերից հետո ավելացնել «ինչպես նաև` «Աղբահանության և սանիտարական մաքրման մասին» բառերը:

2) «ԻՐԱՎՈՒՆՔՆԵՐ ԵՎ ՊԱՐՏԱԿԱՆՈՒԹՅՈՒՆՆԵՐ» մասում ավելացնել նոր` «լ» ենթակետը` հետևյալ բովանդակությամբ.

  լ/ ապահովում է աղբահանության և սանիտարական մաքրման վերաբերյալ տեղեկատվության մատչելիությունը և հանրային իրազեկվածությունը, արձանագրում է չսահմանված և (կամ) չնախատեսված տեղերում ու վայրերում՝ աղբամուղերից, աղբահավաք խցերից, աղբարկղերից, աղբամաններից, աղբահավաք մեքենաներից, ինչպես նաև սահմանված կարգով կազմակերպված և (կամ) նախատեսված աղբավայրերից դուրս աղբ թափելու, առանց աղբահանության պայմանագրի աղբը հեռացնելու (թափելու) կամ պայմանագրով սահմանված վայրից (տեղից) դուրս աղբը հեռացնելու (թափելու) երևույթները և զեկուցագիր է ներկայացնում աշխատակազմի քարտուղարին՝ ոլորտի արձանագրված  իրավախախտումների վերաբերյալ վարչական վարույթների հարուցման, տուգանքների նշանակման վերաբերյալ, աղբահանության և (կամ) սանիտարական մաքրման վերաբերյալ բնակիչների դիմում-բողոքների հետ կապված հարցերով կազմակերպում է ստուգայցեր և արդյունքների մասին զեկուցում աշխատակազմի քարտուղարին:

2. Սույն որոշումն ուժի մեջ է մտնում ընդունմանը հաջորդող օրվանից: