Համաձայն Քաղաքացիական օրենսգրքի 217-րդ հոդվածի առաջին մասի և 466-րդ հոդվածի 1-ին մասի,  ղեկավարվելով «Տեղական ինքնակառավարման մասին» Հայաստանի Հանրապետության օրենքի 35-րդ հոդվածի 1-ին մասի 24-րդ կետով, հաշվի առնելով «Ամրիտամ» ՍՊ ընկերության տնօրեն Գ. Սաքանյանի դիմումը (մտից N 225, 18․02․2020 թ.)

1.Դադարեցնել «Ամրիտամ» ՍՊ ընկերությանը սահմանափակ օգտագործման տրամադրված, Ջերմուկ համայնքին  սեփականության իրավունքով պատկանող 1,27 (մեկ ամբողջ քսանյոթ հարյուրերորդական)  հա մակերեսով Ջերմուկ քաղաքի Վարդանանց խճուղու N 1/1 հասցեում գտնվող հողամասի նկատմամբ սահմանված սերվիտուտը:

2. Լուծել 2011 թվականի օգոստոսի 8-ին կնքված (գրանցված է Վայք /Ջերմուկ/ նոտարական տարածքի նոտարի սեղանամատյանում N 293-ով) հողամասի սերվիտուտի իրավունքի տրամադրման պայմանագիրը:

3. Սույն որոշումից ծագող պետական գրանցման հետ կապված վճարների և տուրքերի վճարումը կատարվում է «Ամրիտամ» ՍՊ ընկերության կողմից։
  
4. Սույն որոշումն ուժի մեջ է մտնում «Ամրիտամ» ՍՊ ընկերությանը որոշման ընդունման մասին իրազեկելու օրվան հաջորդող օրվանից: